Mesazhi i Pashkëve i Kryetarit të Konferencës Ipeshkvnore të Shqipërisë, imzot Rrok
Mirditës.
(08.04.2007 RV)Është Dita e Pashkëve, Dita e Ngjalljes së Zotit, e mesazheve
të mëdha që i drejtohen njerëzimit nga të gjitha kishat e krishtera të botës. Nga
Katedralja e Shën Palit, kryetari i Konferencës Ipeshkvnore të Shqipërisë, Imzot Rrok
Mirdita, kryeipeshkëv i Tiranë-Durrësit, i përcjell të gjithë besimtarëve shqiptarë
gëzimin e takimit me Zotin, që kthehet nga të vdekurit me shenjat përfundimtare të
fitores mbi armikun e njerëzimit. Themel shprese kjo ngjarje. Burim i ringjalljes
për të pikëlluarit, të dëshpëruarit, të ligshtit, të përjashtuarit, që gjejnë në Zotin
e Ngjallur gëzimin, shpresën, forcën, mikun më të mirë- i cili i merr për dore e
u prin drejt mbretërisë së tij qiellore që s’njeh kufij. Ta ndjekim mesazhin e imzot
Mirditës nga Tirana: