Разам - гэтым разам мы зноў усе разам - хрысціяне ўсіх намінацый,усіх краін. Сёння
Крыжовыя шляхі вядуць да перакрыжавання душаў людзей, што чакаюць на Паруссію - другое
прыйсце Хрыстовае.
На Галгофу, ці па-грэцку Кальварыю - узнімаемся разам,
кожны несучы свой непаўторны крыж, у дапамогу Таму, Хто найцяжэйшы Крыж мінулага і
будучага ажно да канца часоў узнёс, перамагаючы смерцю смерць. Разам з Ім і з імі
ўсімі - братамі па веры - усведамляем момант сэнсу існавання нас саміх. Ці здолеем
пабудаваць наканаваную нам цывілізацыю любові на месцы мільёнаў кальварыеў? Кожны
з нас можа ўкласці цагліну ў будынак на месцы тысячагадовых разбурэнняў цывілізацый
смерці, што распачаў Каін. Пра гэта думаю, пераслухоўваючы інтэрв'ю, што зроблены
ў перыядзе чакання і чування, на канцэрце Хора Трэцьякоўскай галерэі і Вялікага сімфанічнага
аркестрa Большого театра, якія выканалі твор епіскопа Венскага і Аўстрыйскага ад
Рускай праваслаўнай Царквы Іларыёна - прадстаўніка пры Еўрапейскіх міжнародных арганізацыях.
29 сакавіка ён прагучаў у Рыме, а папярэдне ў Маскве.У Рыме - у залi Аўдзіторыюм
блізка Ватыкану, дзе я гутару з клирыкамі СвятоУспенскага кафедральнага праваслаўнага
сабора Будапешта Маскоўскага Патрыярхата Венгерскай епархіі.