Монсiньор Дзямьянка адказаў на пытаннi якiя тычацца магчымасцi вiзiту Бенедыкта XVI°
у Беларусь.
Апостальскi адмiнiстратар Мiнска-Магiлёўскай арцыдыяцэзii Рыма-каталiцкай Царквы
ў Беларусi бiскуп Антонiй Дзямьянка лiчыць, што для арганiзацыi вiзiта ў нашу краiну
Свяцейшага Айца Бенедыкта XVI° трэба правесцi вялiкую працу. “Вiзiт Папы Рымскага
ў любую краiну патрабуе правядзення вялiкай працы”, - зазначыў монс. Дзямьянка ў аўторак
2 красавiка, адказваючы на пытанне iнфармацыйнага агенства “Iнтэрфакс”. Пры гэтым
ён дадаў, што “у Беларусi шмат вернiкаў жадаюць убачыць Папу Рымскага i атрымаць яго
блаславенства”. Разам з тым бiскуп Дзямьянка не паведамiў цi ёсць магчымым у
блiжэйшы час вiзiт Свяцейшага Айца ў Беларусь. Пры гэтым галава Мiнска-Магiлёўскай
арцыдыяцэзii нагадаў, што некалькi гадоў таму, калi Рыма-каталiцкую Царкву ў Беларусi
ўзначальваў кардынал Казiмiр Свёнтэк, дамова аб вiзiте Папы была практычна асягнута. Бiскуп
Дзямьянка дадаў, што “у рамках падрыхтоўкi да гэтага вiзiта нават быў зроблены спецыяльны
лiфт у рэзiдэнцыi кiраўнiка Каталiцкай Царквы ў Беларусi”.