108 TV transmetojnë mesazhin Urbi et Orbi të Papës për Pashkë
(06.04.07 RV)108 televizione nga 67 vende e botës do të lidhen me satelit për
të transmetuar mesazhin e Pashkëve të Papës Benediktit XVI dhe mesazhin e tij Urbi
et Orbi, Romës dhe botës, të dielën e ardhshme në orën 12. Fillimisht, Ati i Shenjtë
do të kremtojë Meshën e Pashkëve, në orën 10 e gjysëm, e cila do të transmetohet gjithashtu
në të gjithë botën. Ndërkaq, sonte, për të paraqitur Udhën e Kryqit të kryesuar
nga Papa, janë lidhur me Koloseumin në Romë, 67 televizione nga 41 vende të botës.
Shpenzimet e lidhjeve mbulohen nga fondi i “Kalorësve të Kolombit”, shoqatë bamirëse
me anëtarë në Kanada, SHBA, Meksikë e Filipine. Ngjarjet televizive të Javës Shenjte
janë një bashkëprodhin i Qendrës Televizive të Vatikanit dhe Radiotelevizionit Italian.