Думаць пра ўласную каштоўную годнасць ў суадносінах з годнасцю грамадства. Да гэтага
прыклікаў маладых навукоўцаў галава УГКЦ кардынал Любамір Гузар.
Кіраўнік украінскіх грэка-католікаў прыняў удзел у 10 Юбілейнай Усеўкраінскай навукова-практычнай
Канферэнцыі "Дыялог людзей і культур як шлях новага гуманізму". Яна праходзіць у
Львове. Герарх, бяручы слова, праясніў паняцці, што былі абмеркаваныя: так, калі дыялог
значыць кантакт, то гуманізм - гэта прадмет, у цэнтры якога - чалавекю Кардынал Любамір
падкрэсліў, што чалавека варта разглядаць разам і як індывідуальную, і грамадскую
з'яву. Дык уступаючы кожны раз у дыялог, неабходна мець на ўвазе абедзве гэтыя характарыстыкі
і тут вельмі важна ўтрымліваць раўнавагу між абодвума аспектамі асобы. " На рэлігійнай
глебе, - падкрэсліў кардынал Гузар, - мы пачынаем бачыць ў іпастасі Божага чалавека.
Літургія - гэта сумяшчэнне адзінак, гэта - глыбокае ўсведамленне уласнай вартаснасці,бо
кожнае "я" - гэта дзіця Божае. Тут і нараджаецца паняцце чалавека ў грамадстве. Калі
ёсць раўнавага асобы і суграмаджання асоб, тады і ўтвараецца атмасфера, дзе дыялог
і гуманізм набываюць сапраўднага зместу." Галава УГКЦ прыклікаў украінскіх інтэлектуалаў
глыбей задумацца над гэтай раўнавагай суадносінаў індывідуума і грамадства. Канферэнцыя
прайшла ў памешканні львоўскага Украінскага каталіцкага Універсітэта па ініцыятыве
Інстытута рэлігіі і грамадства.