Старшыня Бiскупскай канфярэнцыi Францыi выступае ў абарону сямьi.
Сямья заснаваная на шлюбе ёсць гарантыяй абароны жыцця ад моманту зачацця да моманту
натуральнай смерцi, лепшаму падзялу працы i дабротаў. Яна можа спрыяць прыёму эмiгрантаў
i развiццю базавых сацыяльных прынцыпаў, i гэта вельмi важна напярэдаднi выбараў,
якiя ў хуткiм часе адбудуцца ў Францыi. Так лiчыць кардынал Рыкар, Старшыня бiскупскай
канфярэнцыi краiны. Свае меркаваннi ён выказаў пад час пленарнага паседжання, якое
прайшло ў Лурдзе. Кардынал сцвердзiў, што “кожны католiк, у момант калi трэба зрабiць
палiтычны выбар, павiнен зрабiць гэта ў адпаведнасцi са сваiмi хрысцiянскiмi прынцыпамi”,
сярод якiх ёсць сямья – аснова чалавечага грамадства, якая цяпер больш чым калi-небуць
мае патрэбу ў падтрымцы”. “Скажам “так” сямье заснаванай на шлюбе мужчыны i жанчыны,
адкрытай да працягу чалавечага роду; скажам “так” праву дзiцяцi мець бацьку i мацi”,
- заклiкаў Старшыня французскай бiскупскай канфярэнцыi. Адначасова ён негатыўна выказаўся
аб эўтаназii i аборце. Па словах кардынала Рыкара, “ад вiдавочна лагiчнага сцверджання
праў у гэтай галiне”, многiя дазваляюць сабе ўсё болей падпадаць пад уплыў супрацiўнiкаў
гэтых праў.