Më 13 prill do të paraqitet libri i Papës “Jezusi i Nazaretit”.
(04.04.2007 RV)Paraqitja do të bëhet në Sallën e Sinodit pranë Sallës së Palit
VI në Vatikan. Pastaj, duke filluar nga 16 prilli, libri do të dalë në shitje në librari
në edicionin italian (Rizzoli), gjerman (Herder), e polak (Vidavniktvo). Gjatë paraqitjes,
që do të koordinohet nga Atë Federiko Lombardi, drejtor i Sallës së Shtypit të Selisë
së Shenjtë, do të flasin kardinali Kristof Shënborn, kryeipeshkëv i Vjenës, profesor
Daniele Garrone, dekan i fakultetit valdez të teologjisë në Romë dhe Masimo Kaçiari,
profesor i estetikës në universitetin e Shën Rafaelit në Milano.