(03.04.2007 RV)Mbrëmë Benedikti
XVI priti Presidentin e Polonisë Leh Kacinski, që kishte ardhur në Romë për kremtimet
e organizuara në dyvjetorin e vdekjes të Gjon Palit II. Në mikrofonin tonë Presidenti
polak na flet për takimin me Benediktin XVI: “Ishte një takim privat. Fola
me Atin e Shenjtë si besimtar, e si i tillë edhe u paraqita. Folëm për Çështjen e
Lumnimit të Gjon Palit II. I kujtova edhe një herë domethënien e jashtzakonshme që
do të ketë kjo ngjarje e madhe për Poloninë dhe për çështjet që lidhen me Kushtetutën
Evropiane dhe me praninë e rrënjëve të krishtera në Traktatin Kushtetues. E sigurova
Atin e Shenjtë se ne do t’u qëndrojmë gjithnjë besnikë premtimeve tona. Por nuk e
garantova për suksesin". Ndërkaq në Poloni mijëra besimtarë u mblodhën
mbrëmë në Krakovi, pranë argjipeshkvisë. Nata e lutjes, me uratë e këngë të përshpirtshme,
arriti kulmin në orën 21. 37, kur këmbana e lashtë e Sigjismondit nisi të binte për
mort, duke kujtuar orën e saktë të vdekjes së Gjon Palit II, dy vjet më parë.