Арцыбіскуп Казімеж Ныч стаў на чале варшаўскае архідыяцэзіі. У цырымоніі прызначэньня
яго мітрапалітам удзельнічалі прэзыдэнт Польшчы, прэм’ер-міністар, маршалак Сэйму,
палітыкі, сьвятары й вернікі. Папа рымскі Бэнэдыкт XVІ у адмысловай буле інфармуе
пра прызначэньне арцыбіскупа К. Ныча мітрапалітам. У прыватнасьці, пантыфік там зазначае,
што мітрапаліт павінен так кіраваць вернікамі, каб яны паглыблялі сваю веру, надзею
й любоў. Пасьля агучаньня зьместу булы папы рымскага апостальскі нунцый арцыбіскуп
Юзэф Кавальчык уручыў ерарху пастарал – сымбаль душпастырскае ўлады – і правёў яго
на трон. Варшаўскія вернікі рэагавалі апладысмэнтамі. Пасьля цырымоніі прызначэньня
міртапалітам варшаўскім арцыбіскуп Казімеж Ныч адслужыў літургію Вербнае нядзелі.