Адбылася яна на Плошчы Сьвятога Пятра, а гэта таму, што ў Рыме было даволі добрае
надвор»е ды таксама з огляду на тое, што прыбыло на яе шмат вернікаў і паломнікаў
з кожнага кутку сьвету. Плошча Сьвятога Пятра была амаль поўнаю. Была гэта ўжо 12-я
сустрэча Папы Бэнэдыкта 16 з вернікамі ў гэтым годзе. А ў сваёй сёньняшняй катахэзе
Бэнэдыкт 16 працягваў свой цыкл катахэзаў прысьвечаных Айцам Царквы сказаўшы, між
іншым, Сёньняшняя катахэза
прысьвечана асобе і навучаньню Сьвятога Ірэнэя з Ліёну. Гэты айцец Царквы нарадзіўся
праўдападобна ў Смырне на тэрыторыі сёньняшняй Турцыі, каля 135-га году. Быў у школе
біскупа Палікарпа, вучня Сьвятога Яна Апостала. У 177-м годзе- працягваў сваю катахэзу
Папа- стаў Прэзбітэрам Царквы у Ліёне а затым яе біскупам. Памёр праўдападобна як
мучанік у 202 або 203 годзе. Ірэнэй быў чалавекам веры і руплівым пастырам- сказаў
далей Сьвяцейшы Айцец- багаты ведамі і поўны місійнага духа. Як пісьменнік ахвяраваўся
абароне сапраўднае навукі перад еразямі, якія тады нараджаліся, ды яснаму навучаньню
праўдаў веры. Быў прызнаны за перашага вялікага хрысьціянскага тэалога. У цэнтры
ягонага навучаньня- сказаў на заканчэньне сёньняшняй сустрэчы з вернікамі Бэнэдыкт
16—астаецца рэгула веры, за якую прызнае “крэда” Апосталаў разам з Эвангэльлем, якое
перадаецца біскупам- сваім наступнікам. Адсюль Ірэнэй намагаецца выказаць значэньне
Апостальскай Традыцыі адносна зьбераганьня сапраўднае веры, свабоднай ад памылак і
скажэньняў.
На заканчэньне аўдыенцыі Сьвяцейшы Айцец прывітаў усіх
вернікаў, асабліва хворых, моладзь ды новыя шлюбныя пары, надзяляючы на ўсіх сваё
Апостальскае Блаславенства.