Shtyhen negociatat e Komisionit te Vatikanit e Izraelit mbi prona te Kishes ne Lindje
te Mesme
(28.03.07 RV)Keqardhja e Selisë së Shenjtë për shtyrjen e negociatave me Delegacionin
izraelit mbi çështjet fiskale e të pronësisë së Kishës katolike në Tokën e Shenjtë. Nesër
nuk do të zhvillohet mbledhja plenare e Komisionit Dypalësh të Përhershëm të Punës
ndërmjet Selisë së Shenjtë e Shtetit të Izraelit, programuar në Vatikan më qëllim
të trajtimit të disa çështjeve që kanë të bëjnë me Marrëveshjen Themelore, nënshkruar
nga të dyja palët më 30 dhjetor të vitit 1993. Delegacioni izraelian ka njoftuar
të hënën e kaluar pasmundësinë për të marrë pjesë në mbledhjen e përmendur, për shkak
të ngjarjeve e rrethanave politike ndërkombëtare. “Selia e Shenjtë – pohon sot një
komunikatë e Sallës së Shtypit të Vatikanit – megjithë kuptimin e arsyeve, me keqardhje
ka marrë njoftim për ngjarjen e pret të mund të merret vesh sa më shpejt me Palën
izraelite për caktimin e datës së re të thirrjes së Plenares”. Në qendër të punimeve
figuronte Artikulli 10, aty ku Selia e Shenjtë dhe Shteti i Izraelit impenjohen të
negociojnë “sinqerisht një marrëveshje të përgjithshme, që përfshinë e miraton zgjidhje
të pranueshme nga të dyja palët mbi pikat jo të qarta, jo të caktuara apo të pa diskutuara
lidhur me pronësinë dhe çështjet ekonomike e fiskale që kanë të bëjnë kryesisht me
Kishës katolike apo bashkësitë dhe institucionet specifike katolike” në vend.