(28.03.07 RV)Një hetim i autoriteteve belge ka zbuluar një skandal korrupsioni
me vlerë miliona euro, që ka të bëjë me tenderat e godinave të destinuara për delegacionet
e Komisionit Evropian në disa vende të botës, perfshi edhe Shqipërinë. Në pranga kanë
rënë tre zyrtarë italianë, njëri prej të cilëve kishte për detyrë të përcaktonte
edhe godinën ku do të vendoset përfaqesia e Bashkimit Evropian në Shqipëri, godinë
kjo e ngritur në rrugën kryesore në Laprakë të Tiranës.
Në raportin
vjetor të Inspektoratit të Lartë të Deklarimit dhe Kontrollit të Pasurive në Shqipëri
theksohet se gjatë vitit 2006 janë evidentuar 135 zyrtarë në konflikt interesi. Rekordin
e mban Drejtoria e Përgjithshme e Tatim-Taksave. Vetëm në këtë drejtori janë evidentuar
84 raste. Katër zyrtarë kanë përfunduar në Prokurorinë e Përgjithshme për ndjekje
penale, pasi nuk kanë arritur të justifikojnë pasurinë që kanë me të ardhurat mujore.
Diferenca ka qenë mbi 3 milionë lekë.