У Венгрыi прапанавана стварыць суполкi вясковых святароў.
Пастырскiя суполкi, створаныя для вырашэння праблемаў, злучаных з недахопам святароў
i iх iзаляванасцю ў сельскiх мясцовасцях, заснаваныя па прапанове кардынала Петэра
Эрдё, Старшынi Бiскупскай канфярэнцыi Венгрыi пад час апошняга пленарнага паседжання
бiскупаў краiны. Згодна з апошнiмi статыстычнымi даследваннямi ў Венгрыi ў 2005
годзе служыла 2576 святароў на 10 млн. насельнiцтва, пераважную большасць якога складаюць
католiкi. У той час як у вялiкiх населеных пунктах на аднаго святара прыпадае 6 000
вернiкаў, то ў сельскiх зонах святарам даводзiцца клапацiцца аб 5 парафiях, што робiць
практычна немагчымым усталяванне асабiстых шчыльных кантактаў. Кардынал Эрдё лiчыць,
што гэта выклiкае “не толькi праблемы ў пастырскiм служэннi, але i робiць згаданых
святароў iзаляванымi i самотнымi”. Каб пазбегнуць гэтых праблем Бiскупская канфярэнцыя
Венгрыi прапануе стварыць пэўныя структуры для вясковых парафiй, у якiх будуць аб’яднаныя
2-3 святары, што будуць жыць разам i служыць на карысць вернiкаў на адпаведнай тэрыторыi”.