У Тэрнопалi ўшанавалi славутага земляка – кардынала Язэпа Слiпога. Шэраг мерапрыемстваў
адбываўся з 14 да 27 лютага. Жыхары Тэрнопаля накiравалiся таксама ў Львоў, каб пакланiцца
целу кардынала. Ужо 14 лютага прайшлi некаторыя мерапрыемствы ў абласной адмiнiстрацыi
Тэрнопаля. 17 лютага ў Духоўным цэнтры вёскi Заздрысць, на радзiме кардынала Слiпога,
была адпраўлена Архiрэйская лiтургiя. 27 лютага адбылося адпаведнае спатканне ў мясцовым
краезнаўчым музее. Наша даведка: Язэп Слiпый нарадзiўся 17 лiстапада 1892 года.
Ён быў навуковым супрацоўнiкам, святаром i абаронцай пераследаваных вернiкаў. Пасля
заканчэння адукацыi ў Львове, Iнсбруке, Рыме i Парыжы стаў выкладчыкам, а потым i
рэктарам Львоўскай духоўнай семiнарыi i Багаслоўскай акадэмii. Надрукаваў каля
ХХ тамоў навуковых твораў. У 1939 годзе тагачасны галава Украiнскай Грэка-каталiцкай
Царквы мiтрапалiт Андрэй Шэптыцкi ўзвёў яго да бiскупскай годнасцi. Пасля смерцi мiтрапалiта
Шэптыцкага 1 лiстапада 1944 года бiскуп Язэп Слiпый ўзначалiў Украiнскую Грэка-каталiцкую
Царкву. 11 красавiка 1945 года ён быў арыштаваны i правёў у савецкiх лагерах 18
гадоў. Пасля ўмяшальнiцтва Папы Яна ХХIII° i Прэзiдэнта ЗША Джона Кенедзi ён быў вызвалены,
выехаў на Захад i ў 1963 годзе прыняў удзел у II° Ватыканскiм саборы. Памёр кардынал
Язэп Слiпый у Рыме у 1984 годзе.