Кардынал Дзiвiш прапануе кананiзаваць Яна Паўла II°.
Арцыбiскуп Кракава Станiслаў Дзiвiш, былы асабiсты сакратар Яна Паўла II°, заклiкаў
Бенедыкта XVI° далучыць Папу Вайтылу да лiка святых, мiнуючы прынятую ў Каталiцкай
Царкве традыцыю да далучэння да лiку блаславёных. Гэта пажаданне польскi ерарх, якi
служыў разам Янам Паўлам II° болей за 40 гадоў выказаў пад час iнтэрв’ю варшаўскай
газеце “Дзённiк” i “Польскаму радыё”. “Мы не жадаем нiчога нiчога навязваць Папе,
але мы сапраўды гэтага хочам, - заявiў кардынал. – Беатыфiкацыя мае на ўвазе ўшанаванне
вернiка ў некаторых дыяцэзiях альбо ў асобнай царкоўнай вобласцi. Аднак складана весцi
гаворку аб “мясцовым ушанаваннi”, калi размова iдзе аб асобе Яна Паўла II°”. У той
жа час кардынал Станiслаў Дзiвiш падкрэслiў, што ён зусiм не заклiкае да спешкi i
жадае, каб былi захаваныя ўсе неабходныя этапы “класiчнага” працэса кананiзацыi. Дыяцэзiяльная
стадыя працэса ўшанавання Кароля Вайтылы павiнна завершыцца 2 красавiка – дакладна
праз два гады пасля ягонай смерцi. Потым вывучэннем матэрьялаў павiнна заняцца Кангрэгацыя
да спраў кананiзацыi святых, якая, у прыватнасцi, разгледзiць сведчаннi аб пасмертных
цудах, прызнанне якiх неабходна для беатыфiкацыi i, натуральна, для працэса кананiзацыi
Яна Паўла II°. У апошнi раз заклiкi да “паскоранай кананiзацыi” прагучалi, калi
ў 1997 годзе памёрла знакамiтая Мацi Тэрэза з Калькуты. Аднак пасля кансультацый з
членамi Рымскай курыi Ян Павел II° адмовiўся парушаць агульнапрынятыя правiла i ў
2003 годзе далучыў Мацi Тэрэзу дас лiку блаславёных. Раней, у 1963 годзе, калi памёр
Папа Ян XXIII°, некалькi бiскупаў звярнулiся да ўдзельнiкаў II° Ватыканскага сабора
з заклiкам неадкладна далучыць яго да лiку святых. Аднак Свяцейшы Айцец Павел VI°
адхiлiў гэту iнiцыятыву – Ян XXIII° быў далучаны да лiку блаславёных толькi ў 2000
годзе.