Liturgjia e Fjalës së Zotit e dielës së 4-të të Kreshmeve. Zoti është Atë që nuk do
shërbëtor por bij.
(17.3.07. RV)Ja përsëri në takimin
tonë javor të së shtunës me Fjalën e Zotit të së dielës, kësaj herët do të dëgjojmë
dhe meditojmë seë bashku leximet biblike të liturgjisë hyjnore të dielës së 4-të të
kohës së Kreshmeve, ciklit të tretë, sipas kalendarit të liturgjisë kishtare. Liturgjia
e Fjalës Hyjnore këtë të diele e avancon, e paraprijnë gëzimin e Ngjalljes së Krishtit,
një gëzim që buron nga bindja se duam që Ai të na falë e të na shpëtojë. Kështu pra
leximet biblike e në mënyrë të veçantë pjesa e Ungjillit na thërret të gëzohemi në
Zotin sepse Ai na delë para në takim dhe na ofron mëshirën e vet hyjnore. Aryseja
e parë e gëzimit është afërsia e Zotit ndaj atyre që e kërkojnë. Aryseja e dytë është
falja që Zoti iu dhuron atyre që kthehen tek Ai me zemër të sinqert. Në pjesën
Ungjillore të kësaj së diele, Jezusi na tregon se Hyu është Atë dhe e do shpëtimin
e çdo biri e bije. Zoti Atë që pret, me durim e dashuri, çdo fëmijë të vetin, që
është larguar prej tij; Zoti është Atë që nxit, zgjon në zemër të mëkatari dëshirën
e kthimit, për të mundur të jetojë në bashkim të thellë me Të: Hyu është Atë që mëshirën
e shndërron në gurrë të jetës së re për Kishën e mbarë njerëzimin. Pra, ti bashkohemi
gëzimit të Zotit e të festojmë edhe ne, për çdo mëkatarë që kthehet me gjithë zemër
tek Ai. E tani ti dëgjojmë leximet biblike e në mënyrë të posaçme pjesën ungjillore
të kësaj së diele e cila është një poemë e përdëllimit dhe e mirësisë së Zotit. Tani
ti degjojme leximet biblike e pastaj homeline... Homelia nga dom
Gjergj Meta Kete te Diele te IV te kohes se krezhmeve mund ta perkufizojme
si “E Diela e Atit te meshirshem”. Pjesa e ungjillit qe do te degjojme kete te diele
eshte nje nga pjeset me te famshme te ungjijve ne pergjithesi, e lexuar dhe e komentuar
shume nga te krishteret gjate gjithe shekujve. Me shume mjeshteri ungjilltari na paraqet
nje realitet sa te dhembshem aq edhe te bukur. Por le te meditojme me rradhe leximet
e kesaj te diele, sigurisht duke u ndalur me se shumti ne pjesen e ungjillit. Ne
leximin e pare na tregohet perfundimi i shtegtimit te gjate te popullit te Izraelit.
Me ne fund ata mund te hane nga frutet e tokes se premtuar. E gjitha kjo eshte nje
dhurate e Zotit: clrimi nga skllaveria e Egjiptit dhe dhenia e tokes se premtuar.
Ne leximin e dyte Shen Pali na flet per pajtimin e njeriut me Zotin nepermjet dhe
ne Krishtin e i fton te krishteret te pajtohen me Hyun. Sikurse shohim dalin ne pah
dy tema te rendesishme per jetn tone shpirterore. Se pari dashuria paraprirese e Hyut
dhe se dyti nevoja e pajtimit me hyun ne Jezu Krishtin. Te dyja keto tema jane te
pranishme ne leximin e ungjillit te Lukes. Kryefjala e historise se Lukes eshte
Ati: “Nje njeri kishte dy djem...”. E me pas Luka na tregon historine e ketyre dy
djemve. Me i vogli i kerkon te atit pjesen e pasurise dhe iken ne nje toke te larget,
ndahet nga i Ati dhe nga i vellai. Me tej shembelltyra na tregon se cfare beri dhe
ku shkoi djali i vogel qe pergjithesisht ne historine e krishterimit eshte quajtur
djali plangprishes. Babai nuk beri asgje per te ndalur djalin e vogel, ai iku vete
dhe ne largimin e tij u la krejtesisht i lire. Eshte ajo liri qe shpeshhere ne kerkojme
larg Zotit, nje liri pa Zotin. Shtepia e te Atit e ngushton djalin dhe per kete arsye
ai iken me shpresen se do te jete me i lire dhe se do te dije ta organizoje jeten
e tij larg te Atit. Ketu del ne pah nje krakteristike e Atit qe eshte ajo e lirise.
Zoti eshte i lire dhe na ka krijuar te lire. Ai nuk ben asgje pa lejen tone, brenda
nesh. Por ajo qe na ben te reflektojme eshte fakti se cfare sjell nje liri e jetuar
larg Zotit dhe nje liri e jetuar me Zotin. Duke ndjekur ngjarjet e djalit plangprshes
shikojme se shkeputja nga i Ati e con ate drejt degradimit total, drejt shthurjes
dhe varferimit total, drejt humbjes se identitetit te tij. Nga bir i nje babe ai kthehet
ne skllav te kujtdo qe i jepte dicka per te mbushur barkun, madje nuk mund te hante
as ushqimin e kafsheve. Pasoja e pare e shkeputjes dhe jetimit te lirise larg Zotit
eshte pikerisht humbja e identitetit qe njeriut i vjen vetem nga krijuesi i tij. “Liria
nga Zoti” shkakton tek njeriu skllaverine, pamundesine dhe paaftesine totale. Sa here
e ndjejme veten skllever te mekatit pikerisht sepse kemi dashur te jetojme vetem me
aftesine tone per te rregulluar jeten, pa e ulur kurre koken dhe pa pranuar qe Zoti
eshte ai qe na udheheq dhe qe i jep kuptim jetes tone? Larg Zotit nuk mund te kete
vecse skllaveri, vecse varesi nga gjera qe nuk jane Zot. Dhe kjo mund te dallohet
shume lehte sepse do te jemi gjithnje te pangopur, gjithnje e me shume ne kerkim te
gjerave qe me pas do te na lene me bosh se perpara. E atehere rruga e kthimit...!
Ne degradimin e tij total, nje mendim i lumtur per djalin plangprishes. Kujton shtepine
e te Atit, kujton se atje edhe sherbetoret hane me mire se ai. E atehere deshiron
te jete me mire nje sherbetor i te Atit se sa skllav i dikujt tjeter, i nje te huaji,
i nje te pa emer. Atehere kthehet, merr rrugen e kthimit. Sigurisht ne nuk na pershkruhet
rruga e kthimit por sigurisht do te kete qene nje rruge e veshtire. Kujdesi i ungjilltarit
eshte te na tregoje se cfare e priste ne shtepi. Djali ishte pergatitur te kerkonte
falje, t'i thonte te Atit qe ta pranonte te pakten si nje sherbetor te vetin, por
gjendet perballe nje befasie te mrekullueshme. I Ati e priste, Zoti na pret. Ai na
shikon nga larg. Ka kohe qe eshte te dera dhe pret e na sheh nga larg. Nje shenje
fare e vogel e pendeses sone dhe ai eshte gati per te na marre me vete. Nuk ka nevoje
as per shume fjale, sepse ai njeh cdo gje te zemres tone sepse ai “na njeh dhe na
shqyrton, e di kur ulemi dhe kur cohemi...”. Ne vend te denimit djali i vogel
gjen krahet e hapur te te Atit dhe festen qe ai pergatit per te. “Ka me shume gezim
ne qiell per nje mekatar qe kthehet se sa per 99 te drejte”. Pajtimi me Hyun eshte
se pari nje feste e Zotit. Eshte ai qe organizon festen, eshte ai qe gezohet i pari,
eshte ai qe merr inisiativen, sepse ka gjetur birin e tij. Djalit i kthehet edhe nje
here dinjiteti dhe identiteti bijesor. Ai tani nuk eshte me skllav, as sherbetor.
Ai tani eshte bir. Ka kuptuar se liria e vertete qendron prane Zotit. Edhe njehere
meshira e Zotit fiton mbi mekatin e njeriut, mbi largimin e njeriut nga burimi i dashurise
drejt joshjeve te mekatit. Por ende historia nuk ka mbaruar...! E si gjithnje misteri
i jetes me Zotin mbetet mister deri ne fund. Djali i madh eshte pjesa tjeter e historise.
Ai qe ka qene afer Atit gjithe kohen qe djali tjeter ishte duke jetuar nje jete te
shfrenuar. Ai gjithmone i ka sherbyer te Atit, ka qene besnik ne cdo gje. Vete ungjilli
na tregon se ate dite ai po kthehej nga puna. Ka qene duke kryer detyrat e tij te
dites. Mund te themi me shume bindje se ai eshte besimtari i persosur, formalisht
i patemete. Kryen gjithcka ne rregull. Shkon ne meshe cdo te djele, rrefehet rregullisht,
eshte nje meshtar apo rregulltar qe keshillat e ungjillit, pastertine, degjesen, varferine
i jeton ne menyren me te mrekullueshme. Nuk ka cfare te thote asgje askush per te.
Por valle pse ai ngurron dhe nuk e pranon vellain e tij? A do te hyje valle ne shtepine
e te Atit per te festuar bashke me te dhe me te vellain? Ungjilli nuk na e tregon,
nuk na thote asgje dhe per ne mbetet nje mister. Pse valle vepron keshtu? Sigurisht
kush nuk e ka jetuar sherbimin ndaj Zotit dhe marredhenien me te si nje marredhenie
dashurie, por vetem nje marredhenie formale, nuk do te kuptoje kurre arsyet e dashurise
se Atit i cili pranon nje mekatar. Djali i madh kishte harruar qe “Zoti nuk do vdekjen
e mekatarit, por qe ai te kthehet dhe te jetoje”. Ndoshta nuk kishte degjuar fjalen
e Zotit qe thote: “Mos shqyeni petkat, por zemrat tuaja”. Ndoshta sepse me shume kishte
qene nje skllav i ligjit se sa nje bir i Atit. Jemi te thirrur te gjithe te meditojme
gjate e te gjejme vendin tone ne kete shembelltyre kaq te bukur. Ne jo vetem jemi
nevojtare per kthim te Zoti dhe per kete duhet te bindemi cdo cast te jetes tone,
po jemi te fundit qe duhet te japim leksione morali. Te shohim me pare traun ne syun
tone se sa lemishten ne syun e tjetrit. Sa here endemi larg burimit te jetes dhe ushqehemi
vetem me bindjet tona, me ndjesite tona, me planet dhe programet tona, me krenarine
tone. Sa here harrojme te ushqehemi me ushqimin e vertete qe eshte Fjala e Hyut dhe
Eukaresita e shenjte. Sa here e marrim te padenje kete ushqim e per kete kemi me te
vertete nje guxim te jashtezakonshme...! Te gjejme rrugen e kthimit dhe te nisemi
drejt shtepise se Hyut. Mund te jemi te lodhur te raskapitur nga jeta dhe nga mekati.
Nuk ka problem. Ati na pret... me krahe hapur! Nuk ka snje fjale denimi per ne vetem
fjale dashurie. Nje here qe na ka prekur kjo dashuri dhe na ka perfshire teresisht
duhet te jemi tevetedijshem se si te krishtere na thote shen Pali “jemi ambasadore
te dashurise se Hyut”, per te pajtuar boten me te, per te pajtuar te tjeret me te.
Dhashte Zoti qe te gjejme rrugen e kthimit dhe te gezohemi bashke me Zotin per cdo
njeri qe kthehet edhe pse mund te kemi paragjykime per te, per te kaluaren e tij,
edhe sepse ndoshta dime shume gjera qe ai apo ajo ka bere. Para Zotit nuk ka rendesi
e pse duhet te kete per ne? “Na ndihmo o Zot te gjejme rrugen e kthimit dhe te pajtimit
me ty, qe te jemi ne vete shpalles te dashurise tende, jo pse e kemi mesuar diku,
por sepse e kemi provuar ne zemren tone. Amen!”