У Ватыкане прадстаўлены зварот Свяцейшага Айца да вернiкаў "Sacramentum Caritatis".
У Апостальскай сталiцы 13 сакавiка быў прадстаўлены паслясынадальны зварот Бенедыкта
XVI° аб Эўхарыстыi “Sacramentum Caritatis” (Таямнiца мiласэрнасцi), у якiм Папа сцвярджае,
што Эўхарыстыя ёсць крынiцай жыцця i мiсii Царквы. Гэты дакумент у’яўляе сабой збор
прапаноў, якiя былi прыняты пад час апошняга Сынода бiскупаў, якi праходзiў у кастрычнiку
2005 года i быў прысвечаны менавiта эўхарыстычнай Таямнiцы. “Таямнiца мiласэрнасцi,
Найсвяцейшая Эўхарыстыя, ёсць Божым дарам, якi Езус перадаў ад бязмежнай любовi Бога
Айца кожнаму чалавеку”, - гэтымi словамi пачынаецца першы зварот такога чыну за час
пантыфiкату Бенедыкта XVI°. Папа падкрэслiвае, што Царква “знаходзiць у Эўхарыстыi
сваю жыццёвую сiлу”, трывала абвяшчаючы ўсiм, што “Бог ёсць Любоў”. У тым, што тычыцца
развiцця рыту Эўхарыстыi, дакумент сцвярджае “важнасць лiтургiчнага аднаўлення”, аб
якiм заявiлi ўдзельнiкi II° Ватыканскага сабора, нягледзячы на “некаторыя злоўжываннi”:
гутарка iдзе, - зазначыў Папа, - аб правiльным зразуменнi зменаў, якiя былi зроблены
айцамi згаданага Сабора i аб працягласцi вялiкай царкоўнай традыцыi. “Эўхарыстыя,
- напiсана ў звароце Свяцейшага Айца, - ёсць “рэчаiснасцю, якая пераўзыходзiць любое
чалавечае зразуменне”: у гэтай Таямнiцы Езус “дае не што небуць, але Самога Сябе;
Ён прапануе нам сваё Цела i сваю Кроў”. Гэта абсалютна бясплатны дар, дзякуючы якому
“мы далучаемся да Бога”. Папа асаблiвым чынам падкрэслiвае “радыкальную навiну хрысцiянскай
традыцыi” у параўнаннi са старажытнай гебрайскай традыцыяй вячэры. “Гэта вячэра для
нас, хрысцiянаў, - сцвярджае Свяцейшы Айцец, - не абавязкова павiнна паўтарацца. Гэты
старажытны рыт ужо выкананы i быў канчаткова пераадолены праз дар Любовi ўцелаўлёнага
Божага Сына”. Такiм чынам, у дакументе зазначаецца, што “Сам Хрыстус у сваёй
ахвяры на Крыжы нарадзiў Царкву як уласную Нявесту i ўласнае Цела”. На аснове гэтай
iсцiны магчыма весцi таксама i экуменiчны дыялог, разумеючы, што ёсць немагчымым удзел
хрысцiянаў “некатолiкаў” у Эўхарыстыi, калi гутарка iдзе “не аб выключных сiтуацыях”.
З пастырскага пункту гледжання Бенедыкт XVI° заклiкае парафii надаць асаблiвую ўвагу
Першай камунii, бо тут гутарка iдзе аб рашучым моманце не толькi для асобы, якая прыступае
да камунii, але i для ўсёй сямьi гэтага чалавека.У шматлiкiх вернiкаў гэты дзень застаецца
ў памяцi “як першы момант, калi яны ўпершыню разумеюць важнасць спаткання з Езусам”.
Папа звяртае таксама ўвагу на тое, што трэба нанова адкрыць эўхарыстычнае абажанне
i практыку частых сповядзяў, каб пазбегнуць “пэўнай павярхоўнасцi ў адносiнах да Божай
Любовi”. Бенедыкт XVI° запрашае вернiкаў асаблiвым чынам захоўваць прыгажосць
лiтургii, у сувязi з чым у дакументе звяртаецца ўвага на абавязак “вернiкаў захоўваць
лiтургiчныя нормы ва ўсёй iх поўнi”, бо Богаслужбы “не падпадаюць пад нашы асабiстыя
меркаваннi i не могуць падпадаць пад уплыў моды”. Не трэба забывацца таксама i
аб важнасцi лiтургiчных спеваў, пазбягаючы “ужытак музыкi, якая не адпавядае належным
чынам сэнсу лiтургii” i звярнуцца з большай павагай да грыгарыянскiх спеваў. Папа
падкрэслiвае “неабходнасць палепшыць якасць казанняў”, якiя не павiнны быць агульнымi
i абстрактнымi па сэнсу”. Свяцейшы Айцец звяртае ў сваiм звароце ўвагу i на глыбокi
сэнс абмену прывiтаннем мiру – “знакам вялiкай важнасцi”, што набыў яе ў наш час поўны
канфлiктаў. Святар павiнен незаменным чынам кiраваць лiтургiяй “ад пачатковага
прывiтання да заключнага блаславенства”. З вялiкаў заклапочанасцю Бенедыкт XVI°
звяртаецца таксама да хрысцiянаў, якiя пакутуюць ад адсутнасцi свабоды веравызнання
i “для якiх наведанне храмаў ёсць гераiчным сведчаннем” сваёй веры i злучана з рызыкай. Напрыканцы
свайго зварота Папа паведамiў, што ў блiжэйшы час будзе надрукаваны Эўхарыстычны кампендiум
“з мэтай правiльнага зразумення, адпраўлення i ўшанавання Таямнiцы Эўхарыстыi”.