Адбылася яна на Плошчы Сьвятога Пятра, а гэта таму, што ў Рыме было прыгожае надвор»е
ды таксама з огляду на тое, што прыбыло на яе шмат вернікаў і паломнікаў з кожнага
кутку сьвету. Паводле ватыканскіх крыніц было іх каля 25-ці тысяч. Была гэта ўжо
дзесятая сустрэча Папы Бэнэдыкта 16 з вернікамі ў гэтым годзе. А ў сваёй сёньняшняй
катахэзе Бэнэдыкт 16 працягваў свой цыкл катахэзаў прысьвечаных Айцам Царквы сказаў,
між іншым, сёньняшняя катахэза прысьвечана постаці Сьвятога Ігнацыя з Антыёхіі, мучаніка Быў біскупам Антыёхіі
ад 70-га году да 107-га. З царкоўнае гісторыі мы даведваемся, што Ігнацый з прычыны
сьведчаньня пра Хрыста быў прыгавораны на сьмерць праз адданьне на зьядзеньне зьвярамі.
Гэта зьдзейсьнілася ў Рыме. Везены з Антыёхіі ў сталіцу Рымскае Імпэрыі- працягваў
сваю катахэзу Папа- на месцах прыпынкаў працягваў сваю апостальскую працу, навучаючы
і пішучы пісьмы да Цэркваў. У сваім прапаведваньні выказваў, перад усім, жаданьне
абьяднаньня з Хрыстом і жыць у Ім. Таму ў пісьме да Рымлянаў- сказаў яшчэ Сьвяцейшы
Айцец- прасіў, каб не перашкаджалі яму быць пасьлядоўнікам Пасхі Ягонага Госпада і
Бога. У навучаньні аб Царкве – сказаў на заканчэньне Бэнэдыкт 16--падкрэсьліваў значэньне
братэрскае еднасьці, будаванай навокал асобы Біскупа, якому слушна прыслугоўвае пашана
і адданасьць, але таксама які мае асаблівую адказнасьць за веру даверанай яму супольнасьці
і за сьведчаньні любові Бога і бліжняга. На заканчэньне аўдыенцыі Сьвяцейшы
Айцец прывітаў усіх вернікаў, асабліва хворых, моладзь ды новыя шлюбныя пары, надзяляючы
на ўсіх сваё Апостальскае Блаславенства.