(13.03.07 RV)Kryeministri i Shqipërisë, Sali Berisha ka njoftuar mbrëmë ndryshimet
në qeveri. Do të lënë karrigen 5 ministra. Në detyrën e zv-kryeministrit është caktuar
Gazmend Oketa, ndërsa ai që ka pasur deri tani këtë post, Ilir Rusmajli do të kryejë
funksionin e Ministrit të Drejtësisë dhe do të përgjigjet për marrëdhëniet ndërmjet
qeverisë dhe parlamentit. Majlinda Bregu do të jetë Ministre e Integrimit dhe
zëdhënëse e Këshillit të Ministrave, ndërsa në Ministrinë e Kulturës dhe Turizmit,
në vend të Bujar Leskajt vjen Ylli Pango. Si Ministër i Brendshëm është emëruar Bujar
Nishani, ndërsa Ministria e Shëndetësisë kalon në duart e Nard Ndokës. Pritet që emrat
e rinj të votohen nga parlamenti.