У Ватыкане чакаюць на візіт прэзідэнта Расіі. Як пацвердзіў намеснік дырэктара прэс-цэнтра
Святога Пасаду айцец Чіро Бенеддзіцціні, 13 сакавіка Уладзімір Пуцін будзе прыняты
Папам Бенедыктам 16 .
Дырэктар рымскага цэнтра "Экуменічная Расія" , які прысвячае сваю дзейнасць пашырэнню
дыялогу з праваслаўнай Расіяй,у першую чаргу , спадар Серджо Мерканцін выказаў надзею,
што візіт Уладзіміра Пуціна ў Італію і ягоная першая аўдыенцыя ў цяперашняга Папы
- Бенедыкта 16 станецца добраю вехай для развіцця адносін. Ужо крокі, вельмі важныя,
для набліжэння між Маскоўскім Патрыярхатам і Святым Пасадам, былі зроблены.
У рамках афіцыйнага знаходжання расійскага прэзідэнта ў Італіі будзе і наведанне
спадаром Пуціным горада Барі - Барграду. Прэзідэнт краіны прыбудзе сюды з асаблівай
місіяй ад імя РПЦ: звернецца ў мэрію Барі аб звароце ёй ва ўласнасць будынку Рускай
Царквы , а таксама адкрытага пры ёй прытулку. Абодва будынкі былі ўзведзеныя ў 1913
годзе РПЦ-ю ў Барі, які быў і зараз зноў стаўся мэтаю паломніцтваў рускіх праваслаўных,
што моцна шануюць святога Ўгодніка Мікалая. Ягоныя святыя мошчы захоўваюцца ў велічным
аднайменным каталіцкім храме Барграду, дзе блізка гробу ўсталяваны праваслаўны алтар.
У 1937 годзе будынкі, якія належалі РПЦ, былі выкупленыя мэрыяй італьянскага горада.
Але рускія багаслужэнн тут ужо праходзяць. Пуцін мае намер прасіць, каб царква таксама
і фармальна перайшла ва ўласнасць РПЦ. Каб да таго ж звярнуць і прытулак, як пішуць
расійскія аглядальнікі, Пуцін будзе прасіць умяшання Святога Пасаду - паўплываць
на мэрыю Барі, каб ўдалася афіцыйна перааформіць абодва будынкі на ўласнасць РПЦ.