Адбылася яна ў двух частках. З пачатку ў Базыліцы Сьвятога Пятра Сьвяцейшы Айцец
сустрэўся з італьянскімі пілігрымамі, якія прыбылі з рэгіёну Пемонтэ. Затым у зале
імя Папы Паўла 6-га з іншымі вернікамі. Прыбыло на яе шмат вернікаў і паломніўкаў
з кожнага кутку сьвету. Паводле ватыканскіх крыніц разам было іх каля 10-ці тысяч.
Была гэта ўжо дзевятая сустрэча Папы Бэнэдыкта 16 з вернікамі ў гэтым годзе. А ў
сваёй сёньняшняй катахэзе Бэнэдыкт 16 сказаў, між іншым: найбліжэйшыя Агульныя Аўдыенцыі
будуць прысьвечаныя Айцам Царквы. Сёньня ўспамінаем
асобу Сьвятога Клімэнта, біскупа Рыму, трэцяга з чаргі Наступніка Сьвятога Апостала
Пятра. Сьвяты Ірынэй- сказаў Сьвяцейшы Айцец- сьведчыць у сваіх пісьмах, што Сьвяты
Клімэнт за свайго жыцьця, меў яшчэ нагоду асабіста сустрэцца з Апосталамі, слухаць
іхніх навучаньняў, пазнаёміцца з Апостальскаю Традыцыяю. Цешыўся вялікім аўтарытэтам-
працягваў Папа. Прыпісана яму аўтарства многіх старахрысьціянскіх пісьмаў. Напэўна
ягоным творам ёсьць зьбярэжаны Ліст да Карынцыянаў. Сьвяты Клімэнт заклікаў у ім
пасвараных хрысьціян Карынту да згоднасьці, жадае адрадзіць і ўзмацаваць іхнюю веру.
Прыпамінае аб згубных выніках барацьбы за ўладу, аб Апостальскай Спадчыне, аб паўсюднасьці
збаўленьня і аб маральных абавязках. Заахвочвае да братэрскае любові, паказвае, што
крыніцаю і рэгулаю царкоўнага жыцьця зьяўляецца любоў Хрыста. Паслуга Сьвятога
Клімэнта- сказаў на заканчэньне сваёй катахэзвы Папа- і ягоны ліст да Карынцыянаў
зьяўляецца для нас важным сьведчаньнем аб жыцьці Першапачатковае Царквы і ягонай самасьвядомасьці.
На заканчэньне аўдыенцыі Сьвяцейшы Айцец прывітаў усіх вернікаў, асабліва хворых,
моладзь ды новыя шлюбныя пары, надзяляючы на ўсіх сваё Апостальскае Блаславенства.
У
Ватыкане падана да ведама, што Папа Бэнэдыкт 16 прыняў рашэньне кардынала Руіні,
каб зьняць яго з пасады Старшыні Эпіскапскай Канфэрэнцыі Італіі, з огляду на ягоны
век. Сьвяцейшы Айцец назначыў старшынёю Эпіскапскай Канфэрэнцыі Італіі арцыбіскупа
Генуі, монс, Анджэлё Боняско. Таксама ў Ватыкане паведамілі, што новая Пост-сынадальная
Апостальская Адгортацыя Папы Бэнэдыкта 16 аб Эўхарыстыі як крыніцы і вяршыні жыцьця
і місіі Касьцёла будзе прадстаўлена ў Ватыкане 13- га сакавіка.