Багаслоўская і пастаральная пазіцыя ў адносінах да пасля-абортнага сіндрому была
выяўляная у Канферэнцыі, што адбылася ва Ўкраінскім каталіцкім Універсітэце.
Царкоўныя і свецкія дзеячы абмеркавалі пазіцыю Царквы на праблему ненароджаных дзяцей
і намаганні. якія трэба рабіць для вылячэння сем'яў. Арганізатарам канферэнцыі выступіў
Інстытут сям'і і сужонскага жыцця пры Украінскай грэка-каталіцкай Царкве. Сустрэчу
ў Львове адкрыў дапаможны біскуп УГКЦ Глеб, які параўнаў трагедыю аборту з Галадаморам.
Пра гэта прыпамінаюць штогод, нават на міжнародным узроўні, а вось пра тое, што
праз аборты загітула ўчацвёра больш дзяцей, ніхто не думае. Уладыка зазначыў, што
мае месца неразуменне глыбіні гэтай праблемы ўсімі: прадстаўнікамі духавенства, медыкамі,
іншымі свецкімі ажно да ўзроўню заканадаўства. Загадчык львоўскай псіхіятрычнай
клінікі Зяновій Анішка, у сваю чаргу, адзначыў, што постабортны сіндром уплывае не
толькі на жанчыны, але й мужчыны і дзяцей, якія ўжо народжаныя ці народзяцца ў гэтае
пары. Сіндром выяўляе сябе ў дыпрэсіях, пачуцці віны, адчаі, шкадаванні, сэнсу дарэмнасці
жыцця наогул. Такія , нават не заўсёды ўсвядомленыя, пачуцці могуць прыводзіць да
пьянства і наркаманіі, нават самазабойства. Браты і сёстры ненароджаных дзяцей ў
такіх сем'ях выхоўваюцца ў двух крайнасцях: ці ўседазволенасці, ці, наадварот, суровасці,
што ў абодвухз выпадках можа адначасова прыводзіць да маніі велічы і комплексу непаўнацэннасці.Навуковец
з Інстытуту сям'і спадарыня Галіна Крышталь, у сваю чаргу, зазначыла, што аборт ёсць
злом у кожным вымярэнні, гэта - праблема веры і непаразумення таго, што напраўду з'яўляецца
злом, а што - дабром. Яна падкрэсліла, што ў вылячэнні гэтай грамадскай з'явы павінны
прымаць удзел усе - святары, урачы, блізкія людзі. Было таксама падкрэслена, што
Царква прыклікае абвяргаць грэх, але любіць грэшніка.