Rubrika javore e muzikës: Antonio Loti “Mizerere”.

(04.03.2007 RV) «Duke kundruar të Kryqëzuarin me sytë e fesë, mund të kuptojmë thellësisht ç’është mëkati, sa tragjike është pesha e tij e, njëkohësisht, sa e pamasë, fuqia e faljes dhe e mëshirës së Zotit ». Këtë na kujton Papa në mesazhin e Krezhmëve 2007. E ne duam ta kundrojmë të Kryqëzuarin edhe me tingujt e rubrikës sonë muzikore. Po e ndërpresim, prandaj, përkohësisht rubrikën kushtuar “Traditës kombëtare të këngës shqiptare, si formë e veçantë muzikore”, për të filluar, me « Miserere për kor, solist e orkestër » të kompozitorit të shquar italian Antonio Loti, një cikël të ri kushtuar kohës së Krezhmëve që, duke nisur nga lutja për mëshirë, na çon tek gëzimi i Pashkëve të ngjalljes. Të ndjekim profesor Spiro Kalemin: