Republika serbe e Bosnjës kërkon falje për krimet e luftës.
(28.02.07 RV)Qeveria e Republikës serbe të Bosnjës kërkoi sot falje zyrtarisht
për krimet e luftës të kryera ndaj popullsisë jo serbe dhe u bëri thirrje dy të kërkuarve
nga Gjykata e Hagës, Ratko Mladiqit dhe Radovan Karaxhiqit të dorëzohen. Kjo deklaratë
vjen menjëherë pas vendimit të Gjykatës Ndërkombëtare për të mos e fajësuar Serbinë
për masakrën e Srebrenicës, që gjithsesi konsiderohet genocid nga e njëjta Gjykatë.
Ky vendim ka shkaktuar indinjim të jashtëzakonshëm në Bosnjë, ku dje në Sarajevë protestuan
mijëra vetë. Manifestuesit kërkuan që të ndryshohet Kushtetuta në mënyrë që të shkrihet
entiteti serbo-boshnjak, konsideruar një produkt i drejtpërdrejtë i genocidit.