Sot Kisha katolike përkujtoi Shën Gabrielin e Zojës së Dhimbshme.
(27.02.2007 RV)Shenjti pajtor i krahinës Italiane të Abrucit, Francesco Possenti,
lindi në Asizi më 1 mars 1838. Shumë i ri veshi zhgunin e Etërve Pasionistë dhe ndërroi
emrin. U quajt Gabrieli i Zojës së Dhimbshme, sepse pati vegime të vazhdueshme mistike,
në të cilat i dukej pikërisht Zoja e Dhimbshme. Pas shumë shtegtimesh, u vendos në
ishullin e malit Gran Sasso, ku u sëmur nga turbekulozi. Ndërroi jetë më 27 shkurt
1862. Ishte vetëm 24 vjeç. U shpall shenjt më 1920. Kuvendi i fundit ku jetoi dhe
qela ku mbylli sytë për dritën e kësaj bote, janë cak shtegtimesh e mrekullish të
vazhdueshme. E aty, pranë Kishës së vjetër, ku ka çuar Meshë e është lutur Shenjti,
sot lartohet një kishë e re, e madhe, moderne, ku rrajnë çdo ditë shtegtarë të panumërt.