Gjykata e Hagës: në Srebrenicë genocid, por Serbia s'mban përgjegjësi.
(26.02.07 RV) Gjykata e Hagës është prononcuar sot mbi përgjegjësinë e Serbisë
gjatë luftës në Bosnjë. Sipas Gjykatës më të lartë të OKB-së, masakra e Srebrenicës
është genocid, por Beogradi nuk mban përgjegjësi juridike për të. Beogradi mund të
quhet fajtor për mungesën e parandalimit të saj. Fraza e plotë e vendimit për këtë
aspekt është : “Serbia ka dhunuar detyrimin për parandalimin e genocidit, sipas Konventës
mbi Parandalimin dhe Dënimin e Krimit të Genocidit, përsa i përket genocidit të kryer
në Srebrenicë, në korrik 1995”. Gjykata e Hagës e fajëson Beogradin edhe për mosbashkëpunimin
në dorëzimin e gjeneralit Ratko Mladiq dhe i kërkon që të ndërmarrë hapa për plotësimin
e këtij detyrimi. Si fajtorë për genocidin në Bosnjë, Gjykata mban serbët e Bosnjës.