Sot në Vatikan filluan ushtrimet shpirtërore të Kuries Romake në praninë e Atit të Shenjtë.

(25.02.2007 RV)Sivjet meditimet me temë “Kërkoni çka është lart, ku gjendet Krishti ndenjur në fron në të djathtën e Hyjit, e jo çka është mbi tokë” po propozohen nga kardinali Gjakomo Bifi, kryeipeshkëv nderi i Bolonjës.
Ushtrimet shpirtërore, që filluan sot pasdite në orën 18. 00 në Kapelën “Nëna e Shëlbuesit”, me kremtimin e Lutjeve të Mbrëmjes, pasuar nga adhurimi i Eukaristisë, do të përfundojnë më 3 mars me kremtimin e Lutjeve të mëngjesit dhe me reflektimin përfundimtar.Gjatë këtyre ditëve do të ndërpriten të gjitha audiencat papnore, duke përfshirë edhe takimin papnor me besimtarët të mërkurën, 28 shkurt.