Liturgjia e Fjalës së Zotit e dielës së 1 të Kreshemeve "C":Jo vetëm prej buke jeton
njeriu!
(24.02-.07 RV) Ja përsëri në takimin tonë javor të së shtunës me Fjalën e Zotit
të së dielës, kësaj herë do të dëgjojmë dhe meditojmë së bashku leximet biblike të
dielës së parë të kohës kishtare të Kreshmeve, ciklit të tretë, sipas kalendarit liturgjik. Me të Mërkurën
e Përhime që kemi kremtuar të mërkurën e kaluar, Kisha katolike ka filluar kohën e
Kreshmeve, kohë e fortë për popullin e krishterë që është i thirrur të rizbulojë fenë
e vet, e përmes veprave pendestare të agjërimit, të lutjes e të Dashurisë (bamirësisë),
është i thirrur të kremtojë me shpirt të ripërtërirë Misterin Pashkor që është gjithmonë
preludi i Pashkës së amshuar. Kështu pra kemi filluar një rrugëtim apo udhëtim të
ri shpirtëror drejt pashkëve, një udhë që karakterizohet nga kthimi ynë i vazhdueshëm
dhe i përditshëm tek Zoti. Kjo do të mund të ndodhë nëse do të dijmë të ballafaqohemi
kurdoherë me fjalën e Zotit, sikur pohojnë edhe Leximet biblike të kësaj të diele
të Parë të Kreshmeve që trajtojnë temën e fesë e të sprovës së fesë. Kjo kohë pendestare
prej dyzetë ditësh na përkujton jo vetëm 40 vitet e popullit të Izraelit në udhëtim
përmes shkretëtirës për të mbërrijë tokën e premtuar, por sidomos na përkujton e tërheq
vëmendjen tek dyzetë ditët që Jezusi i kaloi në shkretëtirë para se të fillonte misionin
e tij publikisht; ku Ai tundohet nga dalli, ashtu siç na kujton e përshkruan pjesa
ungjillore e kësaj së diele nga Luka (krh Lk 4,1-13). Për të qenë edhe më sakt, duhet
ti referohemi lutjes së Prefacionit të kësaj së diele të Parë të Kreshmeve e cila
lutje pohon se kjo kohë pendestare qe themeluar prej vetë Jezusit: " Ai e shuguroi
themelimin e kohës pendestare me agjërim prej dyzetë ditësh, e duke i fituar e mposhtur
pritat e tunduesit të Vjetër, na mësoi ti mbizotërojmë (sundojmë) tundimet e mëkatit,
në mënyrë që ta kremtojmë me shpirt të ripërtërirë misterin pashkor për të mundur
t'ia arrijmë Pashkës së Përjetshme" . Në heshtjen e zemrës sonë Zoti na flet;
fuqia e tij na ndihmon ti kapërcejmë tundimet dhe të jemi kurdoherë në harmoni, në
sinptoni me të. Në kremtimin e Liturgjisë Hyjnore të kësaj së diele ne edhe një
herë e jetojmë sakramentalisht fitoren e Jezusit mbi djallin e mallkuar. Krishti qe
shtyer prej Shpritit të Shenjtë në shkretëtirë ku, pas dyzetë ditësh agjërimi qe tunduar
prej djallit. Në atë moment sprove, forca e tij e vetme ishte fjala e Zotit, dmth
vetë Zoti, që banonte në të (Ungjilli). Liturgjia e Fjalës e dy të dielave
të para të Kreshmeve vëjnë para vëmendjes së asamblesë kristiane modelin e njeriut
të ri që është Krishti: sot i krishteri e kundron qartë cakun drejt të cilit orijenton
udha e kohës së kreshmeve, dmth fitorja mbi mëkat e mbi të keqën. Tundimet që
Jezusi përjetoi në shkretëtirë, për të cilat flet pjesa e ungjillit e kësaj së diele,
përmbledhin mashtrimet e mëdha të jetës sonë. "Tundimet e mëdha, tundimet e vërteta,
nuk janë ato për cilat shqetësohet apo ndjek me ankth një lloj kristianizmi moralist,
nuk janë ato që do ti prisnim e paramendonim, ato, për shembull, që kanë të bëjnë
me sferën seksuale, por janë ato që synojnë ta shkatërrojnë fenë" (O. Clément). Tundimi
i parë është ai i zëvendësimit të Zotit, e i zëvendësimit me sende: "Thuaji këtyre
gurëve të bëhën bukë, kjo është jeta, nuk ka tjetër". Tundimi i majes së tempullit
e shkatërron fenë duke imituar fenë: "Kërkoi Zotit një mrekulli". E kjo të duket
gjëja maksimale e fesë e në realitet përkundrazi është karikatur e fesë, është mos
besimi në Zotin. Të kërkosh mrekulli nga Zotit është kërkim i avantazhit apo dobisë
personale, jo imbështetjes në dashurinë e Zotit por në dashurinë për veten deri në
çmenduri (marrëzi). Tendimi i pushtetit thotë: "Merre pushtetin porsi zotin
tënd e do të kesh pushtetin e botës. Braktise atë Zot që të varfërit do ti bëjë princa
të mbretërisë së vet, e prej një fëmije e bën më të madhin në mbretërin e vet, atë
Zot që ka ardhur për të sherbyer, mikun e publikanëve, të mëkatarëve dhe të prostitutave.
Harroje këtë Zot që nuk hyjnë në pallatet e të pushtetarëve përveç si robë i zënë,
që nuk ka krijuar kurrë ndonjë ushtri, po që don ta pushtojë botën me dashurinë
e çmendurinë e kryqit". Kuptimi i thellë që i bashkon dhe lidhë të tri tundimet
është sulmi frontal ndaj fesë në Zotin që Jezusi kumton. E të gabohesh mbi Zotin është
gjëja më e keqe që mund të të ndodh. Këte e shohim me fundamentalistët fetar e në
gëzimin e tyre që provojnë duke shkaktuar vdekjen e të tjerëve me vdekjen personale.
Të gabohesh mbi Zotin sjell në dashuri përmes vdekjes. E ky është fundi i njeriut.
Kuptimi i thellë i tundimeve na sjell tek urdhëri suprem i dashurisë së Zotit, i cili
për shpëtimin e njerëzimit flijon veten me dashuri. Zoti e dhuron veten për ruajtur
e shpëtuar jetën e tjerëve. Pjesa e Ungjillit të kësaj së diele na tregon dhe paraqet
Jezusin porsi njeriun e ri që fiton mbi të keqin e të keqën sepse është i udhëhequr
prej Shpirtit Shenjtë Zot. Atë çfarë Jezusi ka bërë është shembull edhe për ne në
mënyrë që ti ndjekim gjurmët e tija. Ne e dijmë se jeta e njeriut mbi tokë është një
jetë plotë tundime e shpesh edhe plotë mëkate, e megjithëkëtë Zoti kurrë nuk e braktisë
njeriun sepse e do. Për këte liturgjia na propozon udhën e kthimit shpirtëror e njëkohësisht
rastin për përforcimin e fesë sonë në Zotin Dashuri, në mënyrë që mund të arrijmë
të përgatitur për të kremtuar Pashkën e Zotërisë Jezu Krisht. Ti dëgjojmë leximet
biblike të dielës së Parë të Kreshmeve dhe komentin nga dom Gjergj MetaE Diela I e
Kreshmeve Viti C
Dt 26,4-10; Sal 90; Rm 10,8-13;
Lc 4,1-13
Te dashur bashkeatdhetare se pari ju uroj
nje fillim te mbare te kreshmeve. Do te jemi bashke ne kete kohe liturgjike per te
degjuar Fjalen e Zotit dhe per t'u ushqyer me te. Gjate kesaj kohe do te na shoqeroje
ungjilli i Lukes qe eshte ungjilli i Vitit C dhe leximet e tjera qe Kisha na ka ofruar
per te na shoqeruar ne rrugetimin drejt Pashkes se Ringjalljes. Ka nje
lidhje organike e shpirterore te ngushte ndermjet koheve liturgjike qe ne perjetojme
gjate gjithe vitit. Kohen e Krishtlindjes ne e mbyllem duke kundruar Krishtin ne Lumin
e Jordanit, ku mori pagezimin prej Gjonit dhe pame shpirtin e Zotit qe zbriti mbi
te per te na treguar se Ai eshte “Djali i parapelqyer i Atit...”. I njejti Shpirt
qe u shfaq ne lumin e Jordanit, e shoqeron, madje e shtyn Krishtin drejt shkretetires
para se ai te filloje misionin e tij ne mes te njerezve. Madje misioni i tij fillon
ne shkretetire, sepse aty ai kalon pengesen e pare. Ky mision do ta coje ate drejt
Jeruzalemit. Ungjilli i Lukes na thote: “Jezusi, plot me Shpirtin e Shenjte u largua
nga Jordani dhe u dergua prej Shpirtit ne shkretetire, ku per 40 dite u tundua nga
djalli”. (Lk 4,1). Ne kete te djele jemi te ftuar te hyjme bashke me Krishtin ne shkretetire,
me vetedijen se Shpirti i Zotit eshte me ne dhe nuk do te na lere vetem ne castet
e tundimit. Krishti pra fillon misionin e tij ne shkretetire. Tashme e
dime mire se cfare rendesie ka shkretetira ne Shkrimin e Shenjte. Simboli me shprehes
eshte ai i udhetimit te Izraelit per 40 vjet drejt tokes se premtuar. Nje kohe prove
dhe tundimi qe, me ndihmen e Zotit, Izraeli, megjithe tradhetite e tij te herepashershme,
do ta kaloje. Krishti, Izraeli i ri, hyn ne shkretetire dhe aty tundohet. Libri i
Siracidit ne Beslidhjen e vjeter na thote: “Bir, nese i paraqitesh Zotit per t'i sherbyer,
pergatitu per tundimin...”.(Sir 2,1) E Krishti eshte paraqitur dhe ka filluar misionin
e tij. Misioni i Krishtit eshte i dyfishte: T'i sherbeje Zotit dhe t'u sherbeje njerezve.
Ai do t'i dhurohet Atit per te fituar mbi mekatin e njerezve duke realizuar keshtu
vepren e tij shelbuese. Ne fillim te misionit te tij Krishti ka prane nje
“shoqerues” jo shume te kendshem, madje qe ka si pikesynim ta shmange ate nga qellimi
kryesor i ardhjes se tij ne mes te njerezve. Dialogu qe zhvillohet ndermjet Jezusit
dhe djallit eshte nje bisede midis dy personave qe e njohin mire njeri-tjetrin. Duket
qe diku jane takuar, por kesaj rradhe eshte nje sfide e madhe ndermjet te dyve. Njohin
mire njeri tjetrin dhe njohin mire Shkrimin e Shenjte. Djalli e tundon Jezusin me
fjalet e Shkrimit te Shenjte, madje e tundon ate ne esencen e besimit dhe ne identitetin
e tij “Nese ti je Bir i Zotit...!” Djalli do te vere ne dyshim identitetin e tij.
Ai e di mire ne fakt kush eshte Krishti, por orvatet te shtije hijen e dyshimit dhe
te ngacmoje te Krishti mundesine e tundimit te Zotit. Nuk eshte e veshtire
te shohim se si shpeshhere identiteti jone eshte shume i rrezikuar ne kohen e sotme.
Rreziku vjen nga jashte, por eshte edhe i brendshem, i joni. Vjen nga jashte kur realiteti
ne te cilin jetojme do te sheshoje dhe te fshehe karakterin e vecante te thirrjes
se krishtere. Por nga brenda nesh veprojne forca si konformizimi, frika apo turpi
qe na kaplojne dhe perpiqen te na pengojne qe ne te pohojme me force ate c'ka jemi.
Identitete te paqarta, ose te dyfishta sulmojne jeten tone. Mbetemi jo rrallehere
te varur pezull ndermjet deshires per te pasur nje qartesi identiteti dhe frikes se
mos ky identitet mund te na shkaktoje probleme, mund te na heqe privilegje. Identiteti
yne eshte i rrenjosur ne Krishtin nepermjet pagezimit. Me sakramentin e pagezimit
ne jemi bere Bij te Hyut dhe vellezer te Krishtit. Kjo dhurate e Zotit ka edhe pasojat
e veta ne jeten tone. Nganjehere, pikerisht per te mos pesuar keto pasoja, ne nuk
jemi te qarte mbi identitetin tone ose duam ta fshehim ate, ose duam ta mjegullojme
me gjithfare teorish per te justifikuar keshtu veprimet tona dhe per te mos marre
mbi vete kryqin qe na jepet. Jo rrallehere me ka qelluar te takoj njerez qe me Kishen
kane nje marredhenie disi te vaket per arsye se eproret e punes apo te pozicionit
politik e shoqeror mund ta vene re dhe te humbe privilegje. E pra nuk ka gje me te
rendesishme se sa te dish kush je. Per te gjetur kete identitet le te na bjere ndermend
pagezimi yne dhe premtimet qe ne vete apo te tjere ne vendin tone kane bere nese kemi
qene te vegjel. Aty kemi marre faren e jetes se pasosur, aty jemi bere nje me Krishtin.
Djalli duke vene ne dyshim identitetin e Jezusit ne fakt do te nxise “nje
lloj inati” te ai ne menyre qe ai te thote, “po une jam dhe ta tregoj une”. Por Jezusi
zgjedh nje rruge tjeter. Ai i tregon se bijesia e tij nuk qendron ne fuqine qe ai
ka per te shendrruar gurin ne buke (me vone do te shumezoje buket dhe ne e dime se
ai mund ta beje kete gje), por duke i thene djallit se ai e njeh mire Shkrimin e Shenjte
dhe se gjeja me e rendesishme per te eshte marredhenia me Hyun nga e cila do te shpertheje
jeta. Krishti nuk e vendos besimin e tij ne gjithpushtetesine e vet, por ne bindjen
ndaj Shkrimit te Shenjte dhe vullnetit te Atit. Djalli do te kthehet perseri ta tundoje
Jezusin ne kopeshtin e Gjetsemanit, per ta shmangur perseri nga plotesimi perfundimtar
i misionit te tij, nga Kryqi. Te dashur vellezer e motra. Rrugetimi i krezhmeve
eshte nje pjezes e vogel e asaj cka duhet te jete krejt jeta jone: nje kerkim i Zotit
dhe i marredhenies me te. Aty do te gjejme edhe identitetin tone e do te dime kush
jemi. Armiku do te perpiqet gjithmne te na Fillimi i krezhmeve perkon me
diten e fundit te Jezusit ne shkretetire. Ne fakt Kisha eshte vazhdimi i jetes se
Krishtit ne historine e njerezve. Cdo besimtar me ane te pagezimit vazhdon ne jeten
e perditshme jeten e Krishtit. Ne jemi nje perzgjatje ne historine e botes e Krishtit
meshtar, profet dhe mbret, gjithsecili sipas menyres dhe thirrjes se tij. E ne kete
vazhdim ne jemi te thirrur qe te sherbejme Zotin dhe njeri tjetrin, por mos te harrojme
qe jemi edhe te tunduar, sepse jemi edhe te brishte. Madje nuk jemi vetem te tunduar
por edhe mekatare. Zoti ka dashur te na besoje ne njerezve vazhdimin e vepres se tij
duke na garantuar pranine e tij te vazhdueshme. Rrugetimi i besimtarit ne kete kohe
krezhmesh nuk eshte ai i nje shtegtari te vetmuar ne shkretetire, qe nuk ka busull,
por eshte rrugetimi i nje bashkesie, eshte rrugetimi i gjithe kishes. Besimtari, secili
prej nesh nuk eshte vetem, por ka me vete Shpirtin e Shenjte te Zotit dhe driten qe
vjen nga mesimet e Kishes ne te gjithe traditen e saj. Ne sakramentin e
eukaristise, qe ne kremtojme cdo te djele, gjejme forcen, gjejme buken qe ushqen jeten
tone. Te mbledhur bashke si Kishe ne i themi te keqes: “Jo vetem me buke jeton njeriu,
por me cdo fjale qe del nga goja e Hyut”. Eshte e domosdoshme qe te jemi bashke si
trup i Krishtit dhe te pashkeputur nga ai, ndryshe e keqja do te tundoje jeten tone
dhe sigurisht do ta fitoje. Te bindur se Shpirtin e Zotit e kemi gjithmone
me vete te vazhdojme kete rrugetim qe kemi nisur te Merkuren e Perhime, nepermjet
ritit te perhimjes dhe te kthehemi me zemer e me mendje kah Zoti ne menyre qe te kundrojme
driten e Pashkes, te ringjallur bashke me Krishtin. Amen.