Të dyja koalicionet në Shqipëri deklarojnë fitore në zgjedhje.
(23.02.07 RV) Shqipëria pret rezultatet zyrtare të zgjedhjeve, ndërsa të dyja
koalicionet shpallin se i kanë fituar ato. Nga një numërim i pjesshëm i bashkive del
se Partia Demokratike ka fituar më shumë se Partia socialiste, por ka humbur në qytetet
e mëdha, gjë që do të thotë më shumë vota për socialistët. Gjithashtu, edhe aty ku
ka fituar, këshillat bashkiakë shpesh kanë kaluar në duart e socialistëve. Kreu i
grupit parlamentar të Partisë Demokratike, Bamir Topi deklaroi sot se votimi në zgjedhjet
administrative duhet t’i bëjë demokratët të reflektojnë dhe të bëjnë ndryshime në
qeveri.
Banka Botërore ka miratuar një kredi me vlerë prej 60 milionë dollarë
për Shqipërinë. 25 milionë nga kjo kredi do të përdoren për përfundimin e rrugës
Durrës-Morinë, 170 km e gjatë, që lidh Kosovën me Shqipërinë. Pjesa tjetër e kredisë
do të përdoret për reformën e tokës.