Старшыня Папскай Рады па міжрэлігійным дыялогу і другой - па культуры, а таксама
старшыня Камісіі па сувязях з мусульманамі кардынал Поль Пупар пабываў з дружалюбным
візітам у Егіпце.
Ватыканскі госць сустрэўся з галоўным імамам аль Асхара аль Шарыфа, шэйхам Мохамедам
Саедам Тантаві і перадаў яму прывітанні Папы Бенедыкта 16 і запрашэнне ў Рым, да
Святога Пасаду.Як сведчыць афіцыйнае паведамленне залі друку Ватыкана, мусульманскі
лідар прыняў з задавальненнем гэтыя запросіны. Папскі дэлегат да Егіпту быў прыняты
тут ў абстаноўцы глыбокай сардэчнасці.Як гаворыць , падвынікоўваючы візіт, бюлетэнь
Залі друку Ватыкана, сустрэча кардынала Поля Пупара з шэйхам Мохамедам Тантаві дазваляе
ацаніць станоўчыя зрухі, што адбыліся дзякуючы працам Сумеснага Камітэта па Дыялогу.
Ён быў створаны сумеснымі намаганнямі егіпецкага Пастаяннага камітэта аль Азхара
па дыялогу з манатэістычнымі рэлігіямі і Папскай рады па міжрэлігійным дыялогу, працягваючы
ідэі набліжэння, распачатыя візітам Папы Яна Паўла 2 у аль Азхар зімой 2000
года. У памяць аб гэтым візіце, які кранае развіццё шматгранных аспектаў адносінаў
між хрысціянамі і мусульманамі, 24 лютага пачаргова ў Рыме і Каіры праходзяць штогадовыя
сходы прадстаўнікоў двух вялікіх рэлігій.