Në Etiopi vendoset guri i parë i Universitetit katolik.
(18.02.2007 RV)“Me ndihmë
të Zotit, ëndrra jonë për të pasur një institucion të studimeve të larta me emrin
Universiteti katolik etiop, po i afrohet realizmit” – këtë pohoi pak ditë më parë
në Adis-Abeba kryeipeshkvi i vendit, imzot Surafiel, gjatë ceremonisë për vendosjen
e gurit të parë të Universitetit katolik të Etiopisë, në praninë e autoriteteve më
të larta shtetërore e kishtare të vendit. Një ngjarje e tillë tregon se qeveria është
e vetëdijshme për kontributin e madh që jep Kisha katolike në zhvillimin e vendit,
e sidomos, në fushën e sistemit arsimor të Etiopisë.