Liturgjia e Fjalës së Zotit e dielës së 7-të “C: Dashuria fiton mbi urrejtje!
(17.02.07 RV)Ja përsëri në takimin
tonë javor të së shtunës me Fjalën e Zotit të së dielës, kësaj rradhe do të dëgjojmë
dhe meditojmë së bashku leximet biblike të Liturgjisë Hyjnore të dielës së 7-të gjatë
vitit kishtar, cikltit të tretë sipas kalendarit liturgjik. Liturgjia e Fjalës
së Zotit e kësaj së diele na sjell në zemrën e Ungjillit duke treguar cili është thelbi
i Urdhërit themelor, atij më të rëndësishmit që Jezu Krishti na porosit: Dashuria
e pakufishme ndaj Zotit dhe ndaj të gjithë njerëzve, madje edhe ndaj armiqëve. Situatat
e jetës dallojnë e ndryshojnë edhe kushtet shoqërore; problemet e djeshme sot bëhët
urgjente. Të mendojmë për familjen, emigracionin, të moshuarit e braktisur, për numrin
e fëmijëve që lindin gjithnjë më pak, për drejtësinë sociale e çështje e dukuri tjera. Në
jetën private si dhe në atë sociale, shpesh herë kemi vështirësi ta njohim, zbulojmë
e ta pranojmë vullnetin e Zotit. Në pjesën e Ungjillit të kësaj së diele (Lk 6,27-38)
Jezusi na kujton të vërtetën themelore për atë që don të jetë vërtetë i krishterë:
vegëla e matjes dhe e vlerësimit të drejtësisë nuk mund të jenë as njerëzit, as opinioni
i modave, as rregulla e ‘do ut des’ ‘jap për të marrë’. E vetmja rregullore e të krishterit
duhet të jetë ajo e dashurisë, të duash sikur do Zoti e me ndihmën e Shpirtit Shenjt
Zot, të jemi në përkim me vullnetin e Tij Hyjnor. Me përvujtëri e fe t’ia kërkojmë
këte Zotit gjatë Meshës së Shenjtë të kësaj së diele. Tani ti dëgjojmë leximet
biblike të kësaj së
diele e pastaj komentin.