У друку Грэцыі з'явіліся паведамленні са спасылкамі на ўплывовыя крыніцы аб пагрозе
пакушэнняў на жыцці Сусветнага праваслаўнага Патрыярха і армянскага Патрыярха
Канстантынопальскіх. Яны з'яўляюцца найбольш магчымымі чарговымі мішэнямі
турэцкіх эстрэміскіх груповак.
Увесь Фанар у цэлым і ў прыватнасці Патрыярх Барталамей увасабляюць працэс, так ненявісны
прыхільнікам нацыянальных экстрэмізмаў . Армянскі Патрыярх Канстантынопаля Месроп
2 ўзбудзіў да сябе асаблівую ўвагу нацыяналістаў тым, што ў сваім навагоднім пасланні
крануў закрытую ў Турцыі тэму армянскага генацыду пачатка 20 стагоддзя. Як паведамляе
ўплывовы грэцкі журналіст Алексіс Папагелас, ён чуў ад дзеячаў палітычных заходніх
колаў і турэцкіх працаўнікоў службы бяспекі, што маюцца планы знішчыць Патрыярхаў.
Ананімны аўтар у друку Грэцыі і Турцыі сцвярджае, што "нянавісць нацыяналістаў у
адносінах да Канстантынопальскага Патрыярхату пераходзіць усе межы. Яны ў шаленстве
ад таго значэння, якое яму надаюць еўрапейскія ўрады....Экстрэмісты ў Турцыі, безумоўна,
разумеюць, што любы крок супраць патрыярхаў створыць вялізныя праблемы для дзяржавы
ў міжнародных адносінах, але магчыма, што яны менавіта і ставяць гэта сабе на мэце!"