Недахоп святароў i разбурэнне сямьi: такiмi ёсць галоўныя праблемы для Царквы ў Чэхii.
Аб гэтым заявiў бiскуп мараўскага горада Брно монс.Войцех Цiкле пад час свайго наведвання
штаб-кватэры вядомай дабрачыннай каталiцкай арганiзацыi “Царква ў патрэбе”. “Пасля
падзення камунiстычнага рэжыма сiтуацыя ў Царкве Чэшскай рэспублiкi непростая”, -
адзначыў бiскуп Цiкле. “У нас толькi 25 семiнарыстаў з пяцi дыяцэзiй Багемii i 70
– з трох дыяцэзiй Маравii”, - паведамiў каталiцкi дастойнiк. “У маёй дыяцэзii болей
за палову прыкладна з паўтара мiльёна чалавек ахрышчаны”, у той жа час як “на iмшу
прыходзяць толькi 100 тысяч”, - сцвердзiў, у прыватнасцi, чэшскi бiскуп. Монс.
Цiкле, якi з’яўляецца кiраўнiком Аддзела па пытаннях сямьi пры Бiскупскай канфярэнцыi
Чэхii, адзначыў таксама, што сiтуацыя з iнстытутам сямьi ў яго краiне “не адрознiваецца”
ад сiтуацыi ў iншых краiнах Еўропы: каля 67% сямейных параў разводзяцца. Акрамя таго,
многiя з нашай моладзi не бяруць шлюб, бо не жадаюць быць звязанымi нейкiмi вузамi”.