Адбылася яна ў двух частках. З пачатку ў Базыліцы Сьвятога Пятра Сьвяцейшы Айцец
сустрэўся з італьянскімі пілігрымамі, якія прыбылі з рэгіёну Маркэ. Затым у зале
імя Папы Паўла 6-га з іншымі вернікамі. Прыбыло на яе шмат вернікаў і паломніўкаў
з кожнага кутку сьвету. Паводле ватыканскіх крыніц у самой зале Папы Паўла 6-га было
іх больш за 20-ць тысяч. Была гэта ўжо сёмая сустрэча Папы Бэнэдыкта 16 з вернікамі
ў гэтым годзе. А сваю галоўную катахэзу, ў часе сёньняшняе аўдыенцыі, Бэнэдыкт
16 прысьвяціў ролі жанчын у Касьцёле, сказаўшы, між іншым: У апостальскай
паслузе Касьцёла ад пачатку ягонага існаваньня важную місію выконваюць жанчыны. Ісус,
праўда ж, выбірае 12 Апосталаў-мужчын але ў групе суправаджаючых Яго асоб, Эвангэльлі
пералічваюць многа жанчын, якія з Ім размаўляюць, слухалаюць Яго навукі. Напрыклад
Яанна, Марыя і Марта, Сузанна, Марыя Магдалена. Яны ёсьць сьведкамі Яго цудаў. Вынятковую
ролю ў Адкупленьні- працягваў Папа сваю сёньняшнюю катахэзу- зьдзейсьніла Дзева Марыя.
Першым сьведкам і абвяшчальнікам Уваскрасеньня была Марыя Магдалена. Касьцёл Першых
вякоў- сказаў далей Сьвяцейшы Айцец- дацэньваў ролю жанчын. Сярод сваіх блізкіх супрацоўнікаў
Сьвяты Павал пералічвае Крыску і Прышыльлю, Абфію, Фэдэ Дыяканісу, Трыфэну, Мэрсыду
і Юлію. Яны выконвалі прарочыя функцыі, паслугу дыяканіс, узмацоўвалі хрысьціянскія
супольнасьці працаю і малітваю. Памёршы Папа Ян Павал ІІ у Апостальскім Лісьце «Мульерым
Дыгнітатэм « ( аб годнасьці жанчын) зазначыў, што Касьцёл дзякуе Богу за кожную жанчыну,
за ўсялякага роду харызму, якія Сьвяты Дух дае на працягу гісторыі Божага Народу. Мы
злучаемся ў гэтай ацэнцы- сказаў на заканчэньне сваёй катахэзы Папа- дзякуючы Хрысту,
што так пладавіта вядзе Супольнасьць Веруючых, не толькі дзякуючы паслузе мужчын але
таксама і жанчын, для большай хвалы Бога.
На заканчэньне аўдыенцыі Сьвяцейшы
Айцец прывітаў усіх вернікаў, асабліва хворых, моладзь ды новыя шлюбныя пары, надзяляючы
на ўсіх сваё Апостальскае Бласлвенства.