Dhimbja e Benediktit XVI për atentatin e rëndë që ndodhi dje në Liban.
(14.02.2007 RV)Papa shpreh dhimbjen
e tij të thellë për atentatin që goditi dje një qytezë të Libanit, në një zonë me
shumicë të krishterë në veri-lindje të Beirutit, duke shkaktuar tre të vdekur. Në
një telegram me nënshkrimin e kardinalit Tarçizio Bertone, sekretar i Shtetit të Vatikanit
drejtuar Patrikut të Antiokisë, kardinalit Nasrallah Pierr Sfeir, Benedikti XVI siguron
se lutet, se ndjehet shpirtërisht pranë të plagosurve dhe familjeve të viktimave e
se i kërkon Zojës së Bekuar ta mbrojë mbarë kombin libanez. Më pas Papa i lutet
edhe popullit libanez dhe prijësve të tij ta refuzojnë dhunën e të përpiqen të gjejnë,
në këtë çast dramatik, rrugë më të asyeshme për sigurimin e unitetit kombëtar dhe
të së mirës së përbashkët.Në emisionin e djeshëm kujtuam se kardinali Bertone, gjatë
një takimi mbajtur në Romë, foli për atentatin e rëndë antikristian, duke i ftuar
të pranishmit të luten për trojet e martirizuara të Libanit.