Uisner: SHBA dhe Rusia të bashkëpunojnë për Kosovën
(12.02.07 RV)I dërguari
i Shteteve të Bashkuara për statusin e Kosovës, Frank Uisner, ka qëndruar në Moskë
javën që shkoi për të diskutuar procesin e përcaktimit të statusit të Kosovës. Në
një intervistë dhënë të përditshmes ruse "Komersant", ambasadori Uisner, thekson se
është shumë e rëndësishme që Shtetet e Bashkuara dhe Rusia të punojnë bashkërisht
në këtë çështje, veçanërisht në fazën përfundimtare të negociatave. Uisner ka sqaruar
edhe një herë se Kosova nuk përbën precedent për situata të tjera.