SHBA nuk e përjashtojnë opcionin "luftë" ndaj Iranit. Iraku përgatitet për një fushatë
kundër rebelëve.
(01.02.07 RV) SHBA-të nuk kanë ndërmend ta lejojnë më Iranin të bëjë ç’të dojë
në kufirin me Irakun. Sipas nënsekretarit të Shtetit Nikolas Bërns, pas dy vjet hetimesh,
është mëse e qartë se Irani ka furnizuar me eksploziv grupe shiitësh, që më pas e
kanë përdorur për të vrarë ushtarë amerikanë. Bërns sqaroi se SHBA-të nuk kanë ndërmend
të kalojnë kufirin nga Iraku në Iran, nuk duan ta sulmojnë Iranin, por pavarësisht
se fjalën e ka akoma dipllomacia, të gjitha opcionet mbeten të mundshme.
Në
Irak vazhdojnë atentatet me një numër të konsiderueshëm viktimash. Vetëm sot paradite
në Bagdad u hodhën në erë tre kamikaze, ndërsa në Bakuba u vra një profesor i rëndësishëm
universiteti. Ndërkaq, janë ndaluar të gjitha fluturimet nga Siria për në Irak, në
kuadër të përgatitjeve të qeverisë irakiane për një fushatë të re sulmesh ndaj rebelëve
në Bagdad dhe rrethinë.