Gjatëderdhje gjatë Ashures: 50 të vdekur e më dhjetëra të plagosur në sulme të shumta.
(31.01.07 RV)Keqësohet situata e të pastrehëve: janë një milion e gjysëm
e numri rritet njëmijë në ditë. Qeveria e Iranit dënoi sot atentatet që u kryen dje
në Irak e Pakistan, në festën e Ashuras. Sipas republikës islamike, organizatorët
e këtyre atentateve janë SHBA dhe Izraeli. Përsa i përket programit bërthamor, presidenti
Ahmadinexhad ka deklaruar se muajin e ardhshëm do të jetë në gjendje t’i japë popullit
“një lajm të mirë”, pa sqaruar se për çfarë është fjala. Autoritetet irakiane kanë
organizuar për marsin e këtij viti një konferencë rajonale, ku kanë ftuar edhe Iranin
e Sirinë. Tema kryesore e saj do të jetë stabilizimi i gjendjes në vend e në përgjithësi,
rritja e sigurisë në zonë. Arabia Saudite po mendon për ndihma ndaj sunitëve, në luftën
kundër shiitëve, në rastin e largimit të forcave ndërkombëtare. Ndërkaq, në terren,
në atentate e sulme të ndryshme janë vrarë 14 irakianë.
Aftësia e Koresë
së Veriut për të prodhuar armë bërthamore përbën “kërcënim” për interesat ruse.
Kështu deklaroi kryenegociatori rus në bisedimet gjashtë-palëshe mbi programin bërthamor
të Piong-jangut. Negociatat duhet të rifillojnë më 8 shkurt në Pekin.
Njëri
nga kunetët e Osama Bin Ladenit, Zhamal Kalifa, është vrarë në Madagaskar, sipas
rrjetit televiziv Al Arabija. Njerëz të armatosur kanë hyrë në banesën e tij dhe e
kanë vrarë duke i marrë edhe dokumentat e gjëra të tjera. Kalifa ishte një biznesmen
saudit, që publikisht nuk e ka mbështetur asnjëherë kreun e Al Kaidës, por lidhjet
mes tyre nuk ishin të qarta.