20 мая міжнародная супольнасць адзначае 41 сусветны дзень СМІ.Ягоная сёлетняя тэма:"Дзеці
і сродкі камунікацый - выклік выхаванню". Папа Бенедыкт 16 накіраваў свой зварот да
гэтага Дня, заклікаючы выхоўваць дзяцей на прыкладах прыгажосці, праўды і дабра.
Папа прыклікае усіх працаўнікоў масс-медыя устрымлівацца ад усхвалення насілля і
вульгарнасці пры стварэнні праграм для дзяцей, адзначваючы важную ролю сродкаў масавых
камунікацый у фармаванні новых пакаленняў.Дзяцей варта выхоўваць так, каб яны маглі
адэкватна рэагаваць на СМІ, - піша ён і тут мы бачым ужо зварот да ўсіх, перш за
ўсё бацькоў. З другога боку кіраўнік католікаў свету падкрэслівае, што грамадства
павінна клапаціцца і аб выхаванні саміх СМІ. Зварот быў пададзены да ведама прынагодна
ў дзень патрона журналістаў - святога Францішка Сальскага, 24 студзеня. Папа асабліва
моцна кажа ў ім аб ролі сям'і ў фармаванні правільнай ацэнкі маладымі карыстальнікамі
СМ ўсяго вялізнага рынку прапаноў.Бацькоў павінны падтрымліваць школа і царква, парафія,
прыход, але найбольш бацькі маюць права і абавязак гарантаваць выбарчае карыстанне
СМІ, выхоўваючы сумленне сваіх дзяцей так,каб яны былі здольныя самастойна мець і
выказваць здаровыя і нармальныя суджэнні пры выбары ці адмове прапанаваных агульных
праграм Р і ТВ. "Выхаванне неабходна весці на станоўчых узорах, - указвае Папа. -Паказваючы
дзецям тое, што з эстэтычнага і маральнага пункту гледжання ёсць дасканалым, мы дапамагаем
ім развіць уласную думку, РАЗУМОВАСЦЬ І ЗДОЛЬНАСЦЬ ВЫРОЗНІВАЦЬ. ВАРТА ПРЫЗНАЦЬ АСНОВАПАЛЯГАЮЧУЮ
КАШТОЎНАСЦЬ ПРЫКЛАДУ БАЦЬКОЎ і карысць далучэння юных да літаратуры, музыкі, жывапісу-
мастацтва...Прыгажосць,як адбітак Боскай гармоніі, натхняе і жывіць маладыя розумы
і сэрцы. У той час як грубіянства, вульгарнасць прыгнятаюць іх і руйнуюць паводзіны."
У абліччы камерцыйнай канкурэнцыі, якая штурхае работнікаў СМІ заніжваць стандарты,..трэба
не забывацца, што ахвярамі такога інфа-медыйнага насілля, уключаючы эксплуатацыю сэксуальнасці,
ёсць нявінныя дзеці і падлеткі. На заканчэнен паслання, Папа Бенедыкт 16 звяртаецца
з заклікам да тых, хто стаіць ля руля сродкаў масавых камунікацый, каб яны стымулявалі
вытворцаў сэктара абараняць дабро для ўсіх, выступаць у падтрымку праўды, ахоўваць
годнасць чалавека і спрыяць павазе да патрэбаў сям'і".