Funerali i gazetarit armen në Turqi. Patriku armen: bashkëjetesa mësohet në shkollë.
(23.01.07 RV) Nën masa të rrepta sigurie, u zhvillua në Stamboll funerali i
gazetarit turko-armen Hrant Dink, vrarë ditë më parë nga një 17 vjeçar, që u kap të
shtunën. Siç kërkuan organizatorët, njerëzit mbanin në duar vetëm një tip parrulle,
ku shkruhej: “Të gjithë jemi Hrant Dink. Të gjithë jemi armenë”. Patriku armen
i Turqisë, Mesrob II, në homelinë e tij theksoi: “Është tragjike që përfaqësuesit
e armenëve dhe të turqve janë bashkuar vetëm gjatë funeralit të Hrant Dinkut”. Sipas
prelatit të lartë, edukimi i njerëzve me parimet e bashkëjetesës paqësore duhet të
fillojë që në shkollë e të jetë politikë e krejt shoqërisë. Kujtojmë se Dink është
dënuar vitin e kaluar për “fyerje ndaj identitetit turk” në një artikull të shkruar
prej tij.