Маріацэль - гэты аўстрыйскі горад славуты сваёй святыняй, да якой сцякаюцца пілігрымы
з цэлага свету. Менавіта тут, ў базіліцы Найсвятой Дзевы Марыі Папа Бенедыкт 16
плануе адправіць святую Літургію на свята Раства Багародзіцы.
Пройдзе яно з нагоды 850-годдзя славутага санктуарыя ў самым сэрцы Аўстрыі. Біскупы
краіны паклікалі ўсіх вернікаў Аўстрыі духоўна падрыхтавацца да апостальскага візіту
9-месячнай навэнай.Яе тэкст змешчаны таксама і ў інтэрнэце на нямецкай мове. У звароце,
які паступіў ва ўсе касцёлы, біскупы раяць абапірацца ў духоўных практыкаваннях на
Эвангелле св. Лукі і Дзеянні Апосталаў. Шанаванне святыні ў горадзе Марыяцаль,
ў 160 км ад Вены , ўзыходзіць да 1157 году. Біскупы Аўстрыі запрасілі прадставіць
спісы 30 тысяч вернікаў - членаў парафіяльных радаў - для ўдзелу ва ўрачыстай Святой
Імшы. 18 сакавіка кандыдаты для ўдзела ў Літургіі, якую будзе адпраўляць Папа Рымскі,
будуць выбраныя з 3 тысяч парафій усяе Аўстрыі.