Адбылася яна ў зале імя Папы Паўла 6-га. Прыбыло на яе шмат вернікаў і паломнікаў
з кожнага кутку сьвету. А было іх, паводле ватыканскіх крыніц, больш за 9-ць тысяч.
Была гэта трэцяя сустрэча Папы Бэнэдыкта 16-га з вернікамі ў гэтым годзе. Сваю сёньняшнюю
катахэзу Сьвяцейшы Айцец прысьвяціў тэме Тыдню Малітваў за Адзінства Хрысьціян. Заўтра мы
пачынаем Тыдзень Малітваў за Адзінства Хрысьціян. Закончыць яго ўрачыстая Вячэрня
з удзелам прадстаўнікоў хрысьціянскіх Супольнасьцей Рыму ў Базыліцы Сьвятога Паўла
за Мурамі 25-га студзеня. Аб патрэбе будаваньня адзінства- сказаў далей Бэнэдыкт
16- прыпамінаюць нам рознага роду экумэнічныя сустрэчы на працягу цэлага году. У
апошнім часе прыкладам гэтага можа быць сустрэча з Усяленьскім Патрыярхам Барталамеям
І-ым. Тыдзень Малітваў за Адзінства Хрысьціян- зноў сказаў у сваёй сёньняшняй катахэзе
Сьвяцейшы Айцец- у Італіі ды іншых краінах папяраджае, ўшаноўваны менавіта сёньня,
Дзень Гэбрэйска-Хрысьціянскага Дыялогу. Гэты дыялог разьвіваецца памысна ад Другога
Ватыканскага Сабору і ад гістарычнага візіту Папы Яна Паўла ІІ ў Рымскай Сынагозе.
Біблійнаю тэмаю сёлетняга Тыдня Малітваў за Адзінства Хрысьціян ёсьць словы з Эвангэльля
ад Сьвятога Марка: « Ісус глухім вяртае слых і нямым – мову». Хай гэтая тэма- сказаў
на заканчэньне сваёй катахэзы Папа- якая пададзеная Хрысьціянскім Супольнасьцям да
абмеркаваньня, будзе выклікам для нас усіх, каб з новым энтузыязмам мы абвяшчалі сьвету
Эвангэльле і сьведчылі аб любові Хрыста. На заканчэньне аўдыннцыі Сьвяцейшы
Айцец прывітаў усіх вернікаў, асабліва хворых, моладзь ды новыя шлюбныя пары, надзяляючы
на ўсіх сваё Апостальскае Бласлвенства.