Barroso: të vendosim ç'do të jetë Evropa në 50 vjetët e ardhshme.
(17.01.07 RV) Më 25 mars në Berlin, krerët evropianë të përpilojnë një Deklaratë
për Evropën që duam në 50 vjetët e ardhshme. Kjo është thirrja e presidentit të Komisionit
Evropian, Zhosè Manuel Durao Barroso, në diskutimin e tij para Europarlamentit në
Strasburg. Barroso i referohet tekstit që do të miratojnë 27 shtetet anëtare të Bashkimit
Evropian në Berlin, në 50-vjetorin e Traktatit të Romës, që vuri bazat e Kushtetutës
evropiane. Presidenti i Komisionit Evropian bën 5 propozime mbi temat që duhen përfshirë
në vizionin e së ardhmes: solidariteti, sostenibiliteti, transparenza, siguria dhe
promovimi i vlerave në botë. Ndërkaq, edhe kancelarja gjermane, Anxhela Merkel
ka deklaruar se traktati i ri kushtetues është një nga përparësitë e semestrit të
presidencës gjermane të Bashkimit Evropian. Merkel kërkoi mbështetje edhe për procesin
e paqes në Lindjen e Mesme, për thellimin e partneritetit me SHBA-të e nënvizoi nevojën
e një marrëveshjeje të re me Rusinë në fushën energjitike.