Каб Добры Бог адпусціў чалавецтву грахі, а таксама на знак падзякі за Ягоную доўгацярплівасць
і міласэрднасць да сваіх непаслухмяных дзяцей Навагоднюю ноч манашкі з каталіцкай
Кангрэгацыі Камалдулак праводзяць распрасцертыя на падлозе ў форме КРЫЖА.
Гадзінамі малітоўна перапрошваюць нявесты Божыя за ганебныя ўчынкі напрацягу прайшоўшага
году. Аднак, як расказвае Маці-настаяцелька грамады Вероніка Савулеўска з Варшаўскага
кляштару, пакаянне за ўчынкі людзей ў крыўду для Айца Нябеснага, што дзеюцца
на Зямлі, завершваецца радасным гімнам хвалы Богу. Упрыгожаная ёлка зіхаціць агнямі,
агульны дух радасці пануе ў святочныя дні ўнутры манастырскіх муроў.Сёстры спяваюць
калядкі, сямейны дух паразамення і любові поўніць сэрцы затворніц. Кожны звычайны
дзень складаецца і з сумесных спраў у грамадзе, і з часоў на адзіноце. Сёстры дабраахвотна
адрэзалі сябе ад свету, але і ўнутры свайго дому яны "ахоўваюць сваю келлю": працуюць,
чытаюць, медытыруюць - раздумваюць над тэкстамі Святога Пісання.Манаскі статут дапускае
ітаксама іхнюю працу на свежым паветры. Але размаўляюць законніцы між сабою толькі
ў выпадку вострай неабходнасці і ў часах адпачынку ўсёй грамадой. Сумесную малітву
адгаворваюць у часе Святой імшы, Літургіі гадзін ці Ружанца. Кангрэгацыя ўзнікла
ў 1027 годзе, калі святы Рамуальд заснаваў ў італьянскім мейсцы Камальдолі першы
манастыр, а ўжо да канца 11 стагоддзя быў складзены Статут кляўзуровай грамады, якая
разышлася па цэлым свеце. Некалькі стагоддзяў таму былі заснаваныя кляштары камалдулаў
- жаночыя і мужчынскія - і ў Польшчы, былі яны і ў нас, у Беларусі.