Кіраўнік Беларускай праваслаўнай царквы мітрапаліт Філярэт выступае за больш паглыбленае
вывучэньне пытаньняў рэлігіі ва ўстановах адукацыі й звяртае ўвагу на вывядзеньне
рэлігіязнаўства зь пераліку абавязковых дысцыплін у беларускіх ВНУ. У Эўропе, дзе
прытрымваюцца Балёнскага працэсу ў адукацыі, існуюць урокі рэлігіі, на якіх знаёмяцца
з традыцыйнай для той альбо іншай краіны рэлігіяй”, – заявіў мітрапаліт Філярэт на
сустрэчы сяброў Сыноду БПЦ з Аляксандрам Лукашэнкам.
Мітрапаліт зьвярнуў
таксама ўвагу кіраўніка дзяржавы на шэраг фінансава-эканамічных пытаньняў, якія датычацца
дзейнасьці БПЦ. У прыватнасьці, па словах кіраўніка БПЦ, “дагэтуль не зацьверджаны
пералік прадметаў царкоўнага прызначэньня, назіраецца пазапраўнае выкарыстаньне царкоўных
сымбаляў”. “Без царкоўнага бласлаўленьня камэрцыйнымі структурамі рэалізуецца прадукцыя
царкоўнага прызначэньня”, – сказаў мітрапаліт.
Акрамя таго, ён прапанаваў
разгледзець пытаньні “аб вылучэньні зямельных участкаў для некаторых менскіх прыходаў,
ільготных тарыфах на энэргарэсурсы для сельскіх прыходаў і вырашыць праблему запазычанасьці
па падатку на зямлю”.