Патрыярху Феактысту (Румынія) споўнілася 90 гадоў.
Напярэдадні рэвалюцыі 1989 года, якая паклала канец праўленню Ніколаэ Чаушэску ў
Румыніі, галава Праваслаўнай Царквы краіны Патрыярх Феактыст меў намер скінуць камуністычнага
дыктатара, атрымаўшы падтрымку Папы Яна Паўла II° і іншых хрысціянскіх лідэраў. У
верасні 1988 года Патрыярх Феактыст ездзіў у Iстамбул, дзе сустрэўся з тагачасным
Сусветным Патрыярхам Дзмітрыям і галавой Канфярэнцыі еўрапейскіх Цэркваў Жанам Фішэрам.
Румынскі Патрыярх паведаміў іх аб пераследаваннях вернікаў на яго радзіме і ў іншых
краінах соцлагера. З 22 да 29 верасня таго ж самага года Патрыярхі Дзмітрый і Феактыст
разам с Фішэрам накіраваліся на востраў Патмос, каб прыняць удзел у святкаванні 900
гадавіны мясцовага манастыра. Прыкладна ў той жа час урад Чаушэску загадаў зруйнаваць
некалькі старажытных праваслаўных цэркваў у Бухарэсце. Па сцверджанню румынскай газеты
“Ziua”, на карабле Патрыярх абмяркоўваў са сваімі спадарожнікамі “жахі камунізма”,
і адзначыў гатоўнасць людзей ва Усходняй Еўропе пазбавіцца ад камуністычнай сістэмы.
Фішэр запытаўся ў Патрыярха Феактыста аб тым, што магчыма зрабіць для таго, каб скінуць
рэжым Чаушэску. “Мы можам вывесці вернікаў на вуліцы. Але што потым? Хто здольны гарантаваць,
што нашых людзей не заб’юць і што мы атрымаем падтрымку з-за мяжы?”, - адказаў румынскі
Патрыярх, па сцверджанню газеты. У студзені 1989 года, нягледзячы на забарону
ўрада Чаушэску, Феактыст сустрэўся са Свяцейшым Айцом Янам Паўлам II°. Патрыярх тады
накіроўваўся з візітам у Iндыю, але па дарозе заляцеў у Рым, дзе і спаткаўся з Папам.
Пасол Румыніі ў Iталіі спрабаваў зрабіць перашкоды для гэтага спаткання, але Патрыярх
адмовіўся падпарадкоўвацца. У гэтыя дні Патрыярху Феактысту споўнілася 90 гадоў.
У сваім інтэрв’ю, дадзеным з нагоды юбілея, герарх паведаміў аб той сустрэчы са Свяцейшым
Айцом: “Для яго і для ўсіх у Ватыкане наша спатканне стала сімвалам мужнасці, сведчаннем
веры. Я затрымаўся не на 10 мінут, як было запланавана, а на поўгадзіны, - прыпомніў
Патрыярх. – Мы размаўлялі з ім сам на сам, і я паведаміў яго аб місіі нашай Царквы”.