Кіраўнік Грэцкае Праваслаўнае Царквы прыбыў у Рым

З 4-х дзённым афіцыяльным візітам ў Вечным Горадзе знаходзіцца кіраўнік гэтае Царквы арцыбіскуп Хрыстодулёс. Арцыбіскуп Афінаў і цэлае Грэцыі быў ужо тут у мінулым годзе на паховінах Папы Яна Паўла ІІ
Праваслаўная дэлегацыя з арцыбіскупам Афінаў была прынятая Папам Бэнэдыктам 16-м у чацьвер 14-га сьнежня. Пасьля абеду таго ж самага дня Хрыстодулёс наведаў Базыліку Сьвятога Паўла за Мурамі. Ейны архіпрэзьбітар, кардынал Андрэа ді Монтэзэмолё, ўручыў яму два зьвяны ланцуга, якім быў скуты ў вяльніцы Сьвяты Апостал Павал. Гэтыя рэліквіі жадаў уручыць Грэцкай Праваслаўнай Царкве Ян Павал ІІ, але за ягонага жыцьця візіт кіраўніка гэтае Царквы не ажыцьцявіўся.