(13.12.06 RV) Këshilli i Sigurimit i OKB-së në mbledhjen e sotme diskutoi për
gjendjen në Kosovë. U paraqit raporti tremujor i Sekretarit të Përgjithshëm Kofi Anan
për punën e UNMIK-ut dhe u shqyrtua përmbushja e standardeve në Kosovë. Në këtë mbledhje,
morën pjesë edhe shefi i UNMIK-ut, Joakim Ryker dhe kryeministri Agim Çeku. Ryker
raportoi për zhvillimet në Kosovë. Për faktin se nuk pret shumë nga ky takim, Beogradi
në këtë mbledhje u përfaqësua në një nivel të ulët, me kryetaren e së ashtuquajturës
"Qendër Koordinuese serbe për Kosovën", Sanda Rashkoviq-Iviq.