Ngushëllimet e Papës për vdekjen e kardinalit Papalardo.
(11.12.2006 RV)“Bari i Kishës që iu kundëvu mafias me forcën e Ungjillit”:
kështu shkruan Benedikti XVI në telegramin e ngushëllimit për vdekjen e kardinalit
Salvatore Papalardo, kryeipeshkëv nderi i Palermos. Ati i Shenjtë e kujton me
admirin figurën e kardinalit të ndjerë, që ndërroi jetë dje, në moshën 88 vjeçare,
duke e quajtur ‘bari i zellshëm e fisnik, që zhvilloi veprimtari të shumta e të suksesshme,
i shtyrë nga dëshira për të kumtuar Krishtin e për të kontribuar në zhvillimin moral
e kulturor të shoqërisë palermitane”. Kujtojmë se në këtë shoqëri bëjnë pjesë edhe
shumë shumë arbëreshë të Sicilisë. Kardinali i ndjerë pati admirim të veçantë për
arbëreshët dhe u tregua i gatshëm t’i mbështeste në të gjitha nismat në shërbim të
së mirës së tyre të përbashkët fetare e shoqërore. Pas vdekjes së kardinalit Papalardo,
Kolegji kardinalor ka 186 anëtarë, 114 me të drejtë zgjedhore e 72 me të drejtë këshillimore.